តារា​ចម្រៀង​ Ed Sheeran មិន​បាន​បង្ហាញ​ខ្លួន​នៅ​កម្មវិធី Grammy Awards កាល​ពី​ម្សិលមិញ​នោះ​ទេ ទោះ​បី​ជា​ឈ្នះ​ពាន​ដល់​ទៅ​ពីរ​ក៏​ដោយ។​

ដូច្នេះ​ហើយ​ទើប​ម្ចាស់​បទ​ "Shape Of You” បាន​បង្ហោះ​រូប​មួយ​សន្លឹក​ទៅ​លើ​បណ្ដាញ​សង្គម​ Instagram ដើម្បី​បង្ហាញ​ថា​តើ​លោក​កំពុង​ធ្វើ​អ្វី​ខណៈ​ពេល​ ឈ្នះ​ពាន​រង្វាន់​នៅ​ក្នុង​កម្មវិធី​នេះ​នៅ​ក្នុង​ទីក្រុង New York។

លោក​បាន​បញ្ជាក់​នៅ​លើ​ Instagram ថា​ខ្លួន​កំពុង​តែ​រាំ​ជាមួយ​ឆ្មា​លោក ឈ្មោះ Calippo ដោយ​សារ​តែ​ភាព​រីករាយ​នៃ​ការ​ឈ្នះ​ពាន​ទាំង​ពីរ​នេះ។ លោក​បាន​សរសេរ​ដូច្នេះ​ថា៖ "ភ្ញាក់​ឡើង​ជាមួយ​នឹង​ព័ត៌មាន​ថា​​ ខ្ញុំ​ឈ្នះ​ពាន​ Grammys ដល់​ទៅ​ពីរ​កាល​ពី​យប់​មិញ​។ អរគុណ! កូន​ឆ្មារ​ដ៏​គួរ​ឲ្យ​ស្រលាញ់​គឺ​កំពុង​តែ​រាំ​ ដើម្បី​អប​អរ​ អរគុណ​អ្នក​ទាំង​អស់​គ្នា​ណាស់​។"

Ed Sheeran ឈ្នះ​ពាន​ចំនួន​ពីរ​គឺ Best Pop Solo Performance សម្រាប់​បទ "Shap Of You” និង​ Best Pop Vocal Album សម្រាប់​អាល់ប៊ុម "Divide”។

មូល​ហេតុ​ដែល​លោក​មិន​បាន​ចូល​រួម​កម្មវិធី​ Grammys Awards ដោយ​សារ​តែ​លោក​ចង់​ចំណាយ​ពេល​ឲ្យ​បាន​ច្រើន​ជាមួយ​មិត្ត​ស្រី​ខ្លួន បន្ទាប់​ពី​ភ្ជាប់​ពាក្យ​ថ្មីៗ​នេះ៕

អាន​អត្ថបទ៖

• ដល់​ក! កាសែត​​១ ​ច្រឡំ​ដាក់​រូប​ Ed Sheeran លើ​ដំណឹង​មរណភាព

• Ed Sheeran ប្រកាស​ថា​ នឹង​ឈប់​ច្រៀង​នៅ​ពេល​មាន​កូន

• អបអរ! ម្ចាស់​បទ Shape Of You ភ្ជាប់​ពាក្យ​ជាមួយ​មិត្ត​ពី​កុមារ​ហើយ

ប្រភព៖ Dailymail   ប្រែ​សម្រួល៖ ធារ៉ូ