ចប់បាត់! ប្រព័ន្ធការពារមីស៊ីលអាមេរិកថ្មី តម្លៃ៣០លានដុល្លារ បាញ់មីស៊ីលសាកល្បងអត់ត្រូវ

2018-02-01 04:22:10
ចំនួនមតិ 0 | ចំនួនចែករំលែក 0

ចន្លោះមិនឃើញ

កងទ័ពអាមេរិក បានទទួលបរាជ័យក្នុងការបាញ់ទម្លាក់ម៉ីសីលសាកល្បង ដែលបានបាញ់នៅរដ្ឋ Hawaii កាលពីថ្ងៃ ពុធ។ ការបរាជ័យនេះ បានធ្វើឲ្យមានការព្រួយបារម្ភយ៉ាងខ្លាំង ចំពោះកម្មវិធីអភិវឌ្ឍម៉ីសីល និងនុយក្លេអ៊ែររបស់ កូរ៉េខាងជើង។

មន្ត្រីយោធាអាមេរិកម្នាក់ បាននិយាយថា ប្រព័ន្ធការពារថ្មីឈ្មោះ SM-3 Block IIA Missile ត្រូវបានអភិវឌ្ឍដោយក្រុមហ៊ុន Raytheon,Co រួមជាមួយជប៉ុន ដើម្បីប្រឆាំងនឹងម៉ីសីលចម្ងាយមធ្យម (៣ ០០០ ទៅ ៥ ៥០០ គីឡូម៉ែត្រ)។ ប៉ុន្តែ ប្រព័ន្ធការពារតម្លៃ ៣០លានដុល្លារនេះ បានបរាជ័យក្នុងការបាញ់ទម្លាក់ ម៉ីសីលសាកល្បងដែលបាញ់ចេញពីយន្តហោះចម្បាំង នៅកន្លែងសាកល្បង Aegis Ashore ក្នុងរដ្ឋ ហាវ៉ៃ។ ទោះជាយ៉ាងណាក៏ដោយ គេមិនទាន់ដឹងច្បាស់ថា ហេតុអ្វីបានជាការសាកល្បងបរាជ័យនោះទេ ហើយពួកគេ កំពុងធ្វើការវិភាគមួយអំពីបញ្ហានេះ។

គួរឲ្យដឹងថា ប្រព័ន្ធការពារខាងលើ ធ្លាប់ទទួលបានជោគជ័យម្ដងប៉ុណ្ណោះកាលពីដើមឆ្នាំ ២០១៧ ក្នុងចំណោមការសាកល្បងទាំង ៣ លើក៕