ទិញទៀតហើយ! Taylor Swift ចំណាយទឹកប្រាក់ខ្ទង់លានដុល្លារទិញអាផាតមិននៅទីក្រុង New York

2018-02-07 03:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងកំពុងត្រូវប៉ាន់ខ្លាំង Taylor Swift ចំណាយទឹកប្រាក់ជិត ៥០លានដុល្លារ ដើម្បីទិញអាផាតមិន៤អគារនៅ តំបន់ Tribeca block ទីក្រុង New York គិតតាំងពីឆ្នាំ ២០១៤ដល់បច្ចុប្បន្ន។

អាផាតមិនថ្មីរបស់តារាវ័យ ២៨ឆ្នាំរូបនេះ ដែលមានទីតាំងនៅផ្លូវ Franklin Street អគារលេខ ១៥៥ នៅ Manhattan មានទំហំប្រហែល ៣២៩ម៉ែត្រការ៉េ ដើម្បីរួមបញ្ចូលនឹងអាផាតមិនរបស់នាងទាំង៣ នៅជាប់អគារទើបនឹងទិញនេះ។

ម្ចាស់បទ "Shake It Off” ចំណាយទឹកប្រាក់ ៩,៧៥លានដុល្លារសម្រាប់អគារថ្មី ដែលនាងទើបនឹងទិញ ពីអ្នកជំនួញ Jeremy Philips។ នេះបើតាមប្រភពមួយប្រាប់ សារព័ត៌មាន New York Post។

ដូច្នេះពេលនេះ Taylor អាចភ្ជាប់អគារថ្មីនេះទៅនឹងអគារ ដែលនាងមានរួចជាស្រេចចំនួន៣នៅក្បែរៗនោះ អាចឲ្យនាងសាងសង់ចំណតរថយន្តបានយ៉ាងស្រួល ដើម្បីគេចពីពួកប្រមាញ់ថតរូប ពេលនាងចេញនិងចូលអាផាតមិនខ្លួន។

ទីតាំងអាផាតមិនរបស់ Taylor Swift

បើគិតពីអគារចាស់ៗ ដែលនាងបានទិញរួចជាស្រេច នាងមានកម្មសិទ្ធិសម្រាប់អគារជាន់លើចំនួន២ជាន់ ដោយចំណាយប្រាក់ ១៩,៩៥លានដុល្លារដើម្បីទិញកាលពីឆ្នាំ ២០១៤។ នាងបានបញ្ចូលអគារទាំងពីរជាន់នោះ ដើម្បីបង្កើតផ្ទះដ៏ទូលាយមួយ។ មិនត្រឹមតែប៉ុណ្ណោះ នាងក៏កាន់កាប់អគារ២ផ្សេងទៀត ដែលនៅផ្លូវ Franklin Street ដូចគ្នាជាអគារលេខ ១៥៣ ក្នុងតម្លៃ ១៨លានដុល្លារ ធ្វើឲ្យទឹកប្រាក់សរុបដែលនាងចំណាយដើម្បីទិញអចលនទ្រព្យទាំងនេះគឺដល់ទៅ ៤៧,៧លានដុល្លារ។

ទិដ្ឋភាពខាងក្នុងអគារតម្លៃ ១៩,៩៥លានដុល្លាររបស់ Taylor

ទីតាំងដែលនាងទើបនឹងទិញនេះ ក៏ជាកន្លែងស្នាក់អាស្រ័យរបស់តារាល្បីៗ ជាច្រើនរូបដូចជាលោក Orlando Bloom និង Aziz Ansari ជាដើម ធ្វើឲ្យទីតាំងនេះល្អបំផុតសម្រាប់តារាល្បីៗ ជួបជុំគ្នាជប់លៀង និងធ្វើកម្មវិធីផ្សេងៗ។

ទោះជាយ៉ាងណាក៏ដោយ Taylor Swift ក៏នៅមានភូមិគ្រឹះ និងអាផាតមិនជាច្រើនកន្លែងទៀត ទូទាំងសហរដ្ឋអាមេរិកដូចជានៅតំបន់ Beverly Hills, Nashville និង Rhode Island ជាដើម៕

អានអត្ថបទ៖

ប្រភព៖ Dailymail | Eonline ប្រែសម្រួល៖ ធារ៉ូ