សត្វឆ្មាអនាថានាំបុរសវង្វេងផ្លូវ ចេញពីព្រៃកណ្តាលយប់ បង្កការភ្ញាក់ផ្អើលខ្លាំង (វីដេអូ)

2018-02-09 08:37:16
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូមួយខ្សែបង្ហាញឲ្យឃើញសត្វឆ្មាអនាថាមួយក្បាល នាំផ្លូវបុរសវង្វេងផ្លូវ ២ នាក់ ចេញពីព្រៃភ្នំមកផ្លូវធំវិញ កំពុងធ្វើឲ្យអ្នកនិយមប្រើប្រាស់បណ្ដាញសង្គមនៅជប៉ុន មានការភ្ញាក់ផ្អើលយ៉ាងខ្លាំង។

នៅយប់កើតហេតុ អ្នកប្រើប្រាស់បណ្ដាញសង្គម Twitter ឈ្មោះ zc31s_Monster និងមិត្តភ័ក្ដិបានសម្រេចចិត្តជិះរថយន្តមួយគ្រឿងដើរលេង នៅតំបន់ព្រៃភ្នំទាំងយប់។ ប៉ុន្តែក្រោយមក ពួកគេក៏បានវង្វេងផ្លូវ ដោយសារតែងងឹតខ្លាំងពេក ហើយប្រព័ន្ធប្រាប់ផ្លូវក្នុងរថយន្ត ក៏មិនអាចជួយពួកគេបានទៀត។

ជាសំណាងល្អ ពួកគេទាំង ២ នាក់បានប្រទះឃើញសត្វឆ្មាអនាថាមួយក្បាលកំពុងដើរត្រាច់ចរនៅទីនោះ ហើយក៏សម្រេចចិត្តបើករថយន្តតាមពីក្រោយវាតែម្ដង។ អ្វីដែលគួរឲ្យភ្ញាក់ផ្អើលនោះគឺ សត្វឆ្មានេះហាក់បីដូចជាបាននាំអ្នកទាំង ២ មកកាន់ផ្លូវធំវិញ។

សូមទស្សនាវីដេអូទី១

ទោះបីជាយ៉ាងណា អ្នកនិយមប្រើប្រាស់បណ្ដាញសង្គមខាងលើ មិនយល់ស្របឡើយថា សត្វឆ្មានោះនាំពួកគេត្រលប់មកផ្លូវធំវិញ។ ផ្ទុយទៅវិញ សូមពិចារណាថា វាមានឱកាសក្នុងការរត់ចេញ ឬចូលទៅលាក់ខ្លួនក្នុងព្រៃបាន។ ប៉ុន្តែវាបែរជាដើរបណ្ដើរងាកក្រោយបណ្ដើរទៅវិញ។

សូមទស្សនាវីដេអូទី២