ចិន គ្រោងបង្កើតទីក្រុងដើមឈើដំបូងបង្អស់ ក្រោមហេតុផលដ៏អស្ចារ្យមួយ

2018-02-12 02:40:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេស ចិនគ្រោងនឹងសាងសង់ទីក្រុងដើមឈើដំបូងគេក្នុងពិភពលោក ដែលអាគារទាំងអស់ត្រូវគ្របដណ្ដប់ដោយដើមឈើ និងរុក្ខជាតិជាច្រើន។

ទីក្រុងដើមឈើនេះ ត្រូវគេឲ្យឈ្មោះថា The Liuzhou នឹងក្លាយជាលំនៅឋានសម្រាប់មនុស្ស ៣ម៉ឺននាក់ ក្រោយពេលសាងសង់រួចរយៈពេលប៉ុន្មានឆ្នាំខាងមុខ។ ការិយាល័យ, ផ្ទះ, សណ្ឋាគារ និងសាលារៀន នឹងត្រូវដាំដើមឈើសរុប ៤ ម៉ឺនដើម និងរុក្ខជាតិ ១លានដើម ដែលមាន ១០០មុខផ្សេងៗគ្នា។ ដើមឈើនិងរុក្ខជាតិទាំងនេះ នឹងជួយកាត់បន្ថយសីតុណ្ហភាពក្នុងខ្យល់, រារាំងសំឡេងរំខាន និងបង្កើតជីវចំរុះតាមរយៈការផ្ដល់ជម្រកដល់សត្វបក្សី និងសត្វល្អិតផងដែរ។

ទីក្រុងដើមឈើ The Liuzhou នឹងត្រូវសាងសង់នៅតំបន់ភ្នំ Guangxi នៅលើផ្ទៃដីសរុប ១៧៥ ហិកតារ តាមបណ្ដោយទន្លេ Liujiang។ ទីក្រុងនេះ មានសមត្ថភាពអាចស្រូបយកឧស្ម័នកាបូនិចជិត ១ម៉ឺនតោន និងខ្យល់ពុល ៥៧ តោនក្នុងមួយឆ្នាំ ហើយផលិតខ្យល់អុកស៊ីហ្សែនប្រហែល ៩០០ តោនផងដែរ។

គម្រោងនេះ ត្រូវរៀបចំឡើងដោយក្រុមហ៊ុន Liuzhou Municipality Urban Planning ហើយរចនាឡើងដោយស្ថាបត្យករ Stefano Boeri Architetti ។ ក្រុមហ៊ុនខាងលើនិយាយថា ទីក្រុងដើមឈើនេះ នឹងត្រូវសាងសង់ឡើងក្នុងគោលបំណងកាត់បន្ថយការឡើងកម្ដៅផែនដី និងការបំពុលខ្យល់៕