ទីបំផុត ការពិតនៅពីក្រោយជោគជ័យអាវុធនុយក្លេអ៊ែរកូរ៉េខាងជើង ត្រូវបានលាតត្រដាង

2018-02-16 04:03:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពីក្រោយជោគជ័យនៃកម្មវិធីនុយក្លេអ៊ែររបស់កូរ៉េខាងជើង លោក គីម ជុងអ៊ុន តែងតែអរគុណដល់អ្នកវិទ្យាសាស្ត្របងប្អូនភ្លោះ២នាក់។

អ្នកវិទ្យាសាស្ត្របងប្អូនភ្លោះគឺ លោក Hong Sung-mu និង លោក Ri Hong-Sop បានជួយជ្រោមជ្រែងពីក្រោយការបង្កើតអាវុធនុយក្លេអ៊ែរបច្ចុប្បន្នរបស់កូរ៉េខាងជើង ដែលមានអនុភាពខ្លាំងជាងគ្រាប់បែក Hiroshima ១៨ ដងទៀតផង។

យោងតាមអ្នកជំនាញឲ្យដឹងថា មានមនុស្សជាច្រើននាក់ដែលបានរួមចំណែកដល់ការផលិតអាវុធនុយក្លេអ៊ែរក្នុងរយៈពេលច្រើនឆ្នាំមកនេះ។ ប៉ុន្តែមានតែលោក Ri Hong-Sop និងលោក Hong Sung-mu ប៉ុណ្ណោះដែលជាមនុស្សសំខាន់ក្នុងពេលឥឡូវនេះ។ បុរសទាំង ២ ត្រូវបានគេដឹងថា បានបញ្ចប់ការសិក្សាមូលដ្ឋានគ្រឹះពីសហភាពសូវៀត នៅការិយាល័យ Yuzhnoye Design មុនពេលត្រឡប់មកកូរ៉េខាងជើងវិញ។

ក្នុងអំឡុងឆ្នាំ ១៩៨០ ក្រោយពីត្រឡប់មកប្រទេសវិញ ពួកគេបានធ្វើការនៅមជ្ឈមណ្ឌលស្រាវជ្រាវវិទ្យាសាស្ត្រនុយក្លេអ៊ែរ Yongbyon ដែលលោក Hong ត្រូវតែងតាំងជា ប្រធានវិស្វករ និងលោក Ri គឺជានាយក។ ឥឡូវនេះ ពួកគេបានក្លាយជាវីរជនរបស់កូរ៉េខាងជើង និងជាភ្ញៀវកិត្តិយសក្នុងកម្មវិធីអបអរអ្នកវិទ្យាសាស្ត្រកាលពីខែ កញ្ញា។

លោក Ri Hong-Sop និងលោក Hong Sung-mu ត្រូវបានទទួលស្គាល់ដោយសហរដ្ឋអាមេរិក និងសហភាពអឺរ៉ុប ហើយបានហៅលោក Hong ថាជា «មនុស្សសំខាន់ម្នាក់ដែលមានទំនួលខុសត្រូវសម្រាប់កម្មវិធីនុយក្លេអ៊ែរ»។