ល្អហួស! ចិនបញ្ជាទាហានជាង៦ម៉ឺននាក់ធ្វើរឿងមួយ ដើម្បីកាត់បន្ថយការបំពុលបរិស្ថាន

2018-02-16 07:25:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ ប្រទេសចិន បានបញ្ជាកងទ័ពរបស់ខ្លួនឲ្យជួយបង្កើនព្រៃឈើក្នុងតំបន់ ដើម្បីរួមចំណែកកាត់បន្ថយការបំពុលបរិស្ថាន។

ក្នុងគម្រោងនេះ រដ្ឋាភិបាលចិន បានប្រើប្រាស់ទាហានជាង៦ម៉ឺននាក់ពីជួរកងទ័ពរំដោះប្រជាជនចិន និងកងកម្លាំងប្រដាប់អាវុធនៅតាមព្រំដែនភាគខាងជើង។ យោងតាមរបាយការណ៍របស់ Asia Time ឲ្យដឹងថា ភាគច្រើននៃទាហានទាំងអស់ ត្រូវបានប្រគល់ភារកិច្ចឲ្យដាំដើមឈើក្នុងខេត្ត Hebei ដែលជាតំបន់ព័ទ្ធជុំវិញទីក្រុង ប៉េកាំង។ តំបន់នេះ ត្រូវបានគេស្គាល់ថាជាតំបន់សម្បូរផ្សែងអ័ព្ទដែលគ្របដណ្ដប់ពាសពេញទីក្រុង។

ការធ្វើឡើងដូច្នេះ ជាផ្នែកមួយនៃគោលដៅរបស់រដ្ឋាភិបាល ក្នុងការសម្រេចឲ្យបាននូវដើមឈើយ៉ាងហោចណាស់ ៨៤ ០០០ ម៉ែត្រការ៉េនៅចុងឆ្នាំនេះ។ ស្របគ្នាផងដែរ ប្រទេសចិន មានគម្រោងបង្កើនព្រៃឈើពី ២១% ទៅ ២៣% នៃផ្ទៃដីសរុបនៅឆ្នាំ ២០២០ ផងដែរ៕