បុរសចំណាស់ទទួលទានអាហារពេលល្ងាចនៅមុខធាតុប្រពន្ធ ក្រោមហេតុផលរំជួលចិត្ត
- 2018-02-16 08:30:09
- ចំនួនមតិ 0 | ចំនួនចែករំលែក 0
បុរសចំណាស់ទទួលទានអាហារពេលល្ងាចនៅមុខធាតុប្រពន្ធ ក្រោមហេតុផលរំជួលចិត្ត
ចន្លោះមិនឃើញ
ក្នុងឱកាសទិវានៃសេចក្ដីស្រឡាញ់ ស្ត្រីម្នាក់បានផ្ដិតយករូបភាពបុរសចំណាស់ម្នាក់អង្គុយនៅមុខធាតុប្រពន្ធ ខណៈកំពុងទទួលទានអាហារពេលល្ងាចក្នុងភោជនីយដ្ឋានមួយ។
អ្នកស្រី Chasidy Gwaltney រស់នៅរដ្ឋ Texas សហរដ្ឋអាមេរិក បានឃើញបុរសចំណាស់ម្នាក់ហាក់ដូចជាស្រក់ទឹកភ្នែក នៅពេលកំពុងអង្គុយនៅមុខកោដិរបស់ប្រពន្ធ។ បុរសនោះថែមទាំងមានកែវស្រា២នៅលើតុ រួមជាមួយកាតស្វាគមន៍ថ្ងៃបុណ្យនៃសេចក្ដីស្រឡាញ់ដែលសរសេរថា "អ្នក និងខ្ញុំ" នៅលើគម្របផងដែរ។ អ្នកស្រី និយាយថា "ខ្ញុំបានឃើញអ្វីមួយនៅថ្ងៃនេះ ដែលធ្វើឲ្យខ្ញុំចងចាំថា យើងមិនតែងតែមានគ្នានិយាយលេង កាន់ដៃគ្នា ស្រឡាញ់គ្នា ឬលេងជាមួយរហូតនោះទេ“។
អ្នកស្រី Gwaltney បានចែករំលែករូបភាពរំជួលចិត្តនេះទៅក្នុងបណ្ដាញអ៊ីនធឺណិត ក្នុងគោលបំណងរំឭកឲ្យមនុស្សគ្រប់គ្នាឲ្យចេះពេញចិត្តនឹងស្នេហារបស់ខ្លួន មុនពេលដែលវាបាត់បង់ទៅ។ រូបថតនេះ ត្រូវបានល្បីល្បាញពេញអ៊ីនធឺណិត ហើយទទួលបានការ Like ជាង ៤៤៥ ០០០នាក់ និងការចែករំលែកបន្តជាង ៣៦០ ០០០ ផងដែរ៕
ចុចអាន ៖
ញាក់សាច់! អ្នកណាមិនបះសក់ បើកំពុងជិះសុខៗ ម៉ាស៊ីនយន្តហោះរបើកអីចឹង (វីដេអូ)
អ្នកវិទ្យាសាស្ត្រព្រមានថា ម៉ាស៊ីនសម្ងួតដៃក្នុងបន្ទប់ទឹក អាចបង្កបាក់តេរីច្រើនហួសស្មាន
សមាជិកសភាមួយរូប លួចលេងហ្គេម Candy Crush ខណៈលោក ត្រាំ កំពុងថ្លែងសន្ទរកថា