Fergie ចេញមុខសុំទោសក្រោយច្រៀងបទភ្លេងជាតិមិនបានល្អ(វីដេអូ)

2018-02-20 02:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាចម្រៀងប្រចាំក្រុម Black Eyes Peas បានចេញមុខសុំទោសបន្ទាប់ពីការសម្ដែងបទភ្លេងជាតិរបស់នាង បរាជ័យខ្លាំង។ តារារូបនេះបញ្ជាក់តាមសារព័ត៌មាន TMZ ថា៖ "ខ្ញុំពិតជាមានកិត្តិយសណាស់ ដែលបានសម្ដែងបទភ្លេងជាតិកាលពីយប់មិញនេះ ហើយពេលនោះខ្ញុំចង់សាកល្បងអ្វីពិសេសសម្រាប់កម្មវិធី NBA។ ខ្ញុំបានប្រថុយច្រៀងបទនេះឲ្យប្លែកម្ដង ប៉ុន្តែការសម្ដែងមួយនេះ វាមិនទទួលបានជោគជ័យទាល់តែសោះ។ ខ្ញុំស្រលាញ់ប្រទេសនេះ ហើយខ្ញុំពិតជាបានខិតខំប្រឹងប្រែងអស់ពីចិត្តរបស់ខ្ញុំ។"

Fergie បានច្រៀងបទចម្រៀងនេះ ដោយធ្វើបទឲ្យយឺតជាងមុននិងប្រើតុងចម្លែកៗ ដោយគិតថាវាអាចនាំមកអ្វីថ្មីសម្រាប់ទស្សនិកជន។ អ្នកទស្សនាជាច្រើនតាមកញ្ចក់ទូរទស្សន៍ បានភ្ញាក់ផ្អើលជាខ្លាំង ជាពិសេសកីឡាករបាល់បោះតែម្ដង ដែលខិតខំប្រឹងមិនឲ្យផ្ទុះសំណើច។

មិនត្រឹមតែប៉ុណ្ណោះ វីដេអូច្រៀងរបស់នាងបានត្រូវអ្នកប្រើប្រាស់បណ្ដាញសង្គមវីដេអូ YouTube កែច្នៃធ្វើជាវីដេអូកំប្លែងជាច្រើនចែករំលែកពេញអ៊ីនធឺណិត។

នេះជាវីដេអូសម្ដែងរបស់នាង៖