វ៉ែន សុផល នឹងប្ដូរតិចនិកបង្ហាត់ថ្មី ព្រោះបើនៅតែដូចរាល់ថ្ងៃ មិនដឹងពេលណាឈ្នះគេទេ
- 2018-03-02 03:16:33
- ចំនួនមតិ 0 | ចំនួនចែករំលែក 0
វ៉ែន សុផល នឹងប្ដូរតិចនិកបង្ហាត់ថ្មី ព្រោះបើនៅតែដូចរាល់ថ្ងៃ មិនដឹងពេលណាឈ្នះគេទេ
ចន្លោះមិនឃើញ
គ្រូធំជម្រើសជាតិប្រដាល់សកលកម្ពុជា ថាបើតាមបទពិសោធរបស់លោក ពេលចេញទៅសិក្សាកម្មវិធីផ្សេងៗនៅឯក្រៅប្រទេស និងការនាំកីឡាករទៅចូលរួមប្រដាល់នានាកន្លងមក ឃើញថាគេផ្ដាសប្ដូររបៀបវ៉ៃថ្មីអស់ហើយ។
លោកគ្រូ វ៉ែន សុផល គ្រូប្រដាល់ជម្រើសជាតិកម្ពុជាខាងផ្នែកសកល បានប្រាប់ឲ្យដឹងថា លោកកំពុងរៀបចំកម្មវិធីសិក្សាថ្មី សម្រាប់កីឡាករ កីឡាការិនីជម្រើសជាតិហ្វឹកហាត់នាពេលបច្ចុប្បន្ន ហើយកម្មវិធីទាំងនោះគឺថ្មីតែម្ដង។ ឥលូវនៅបណ្ដាប្រទេសដែលក្បែរកម្ពុជា និងប្រទេសដែលជឿនលឿនខាងផ្នែកកីឡាខាងលើនេះ គេផ្ដោតសំខាន់លើកការហ្វឹកហាត់យកល្បឿន។
គ្រូដែលមានបទពិសោធច្រើនខាងលើបន្តថា ពីមុនលោកបង្ហាត់ភាគច្រើនបំផុតគឺយកទម្ងន់ មានន័យថាវ៉ៃចេញទៅគឺមានទម្ងន់ល្អតែម្ដង ពោលវ៉ៃចេញមួយៗប៉ុន្តែអាចផ្ដួលដៃគូបាន ឬអាចឲ្យដៃគូស្រុកកម្លាំង។ បើនៅបន្តវ៉ៃរបៀបនេះទៀតនោះ គឺវ៉ៃមិនត្រូវគេទេ ព្រោះឥលូវកីឡាករគេហាត់យកល្បឿន ហាត់យកពិន្ទុ ធ្វើម៉េចឲ្យតែវ៉ៃចេញលឿនត្រូវគោលដៅគឺបានពិន្ទុហើយ។
លោក វ៉ែន សុផល ជាគ្រូប្រដាល់ជម្រើសជាតិប្រដាល់សកលកម្ពុជានាពេលបច្ចុប្បន្ន និងជាអតីតអ្នកប្រដាល់ជើងខ្លាំង ថែមតែធ្លាប់មានបទពិសោធច្រើននៅឯក្រៅប្រទេសផងដែរ។ នាស៊ីហ្គេមលើកទី២៩ ឆ្នាំ២០១៧ កន្លងទៅនេះកូនសិស្សរបស់ ពេជ្រ ម្ទេសខ្មាំង ឈ្នះមេដាយសំរឹទ្ធផងដែរ៕