Apple វ៉ាដាច់គេ ទីផ្សារលក់នាឡិកាឆ្លាតវៃ
- 2018-03-06 02:55:33
- ចំនួនមតិ 0 | ចំនួនចែករំលែក 0
Apple វ៉ាដាច់គេ ទីផ្សារលក់នាឡិកាឆ្លាតវៃ
ចន្លោះមិនឃើញ
របាយការណ៍ពី IDC បានបង្ហាញនូវទិន្នន័យលក់ចេញប្រភេទនាឡិកាឆ្លាតវៃនិងឧបករណ៍អេឡិចត្រូនិកពាក់ជាប់នឹងដៃ (Wearable Device) ប្រចាំឆ្នាំ ២០១៧។ សង្កេតឃើញ Apple ធ្វើបានយ៉ាងល្អ ដោយឈរកំពូលតារាងវ៉ាដាច់ក្រុមហ៊ុនជើងខ្លាំងឯទៀតក្នុងពិភពលោក។
ផ្តោតលើ Wearable Device ក្នុងឆ្នាំ ២០១៧ តួលេខលក់ចេញសរុបមាន ១១៥,៤ លានគ្រឿង ដោយ Apple ឈរលេខ ១ មាន ១៧,៧ លានគ្រឿង កើនឡើងធៀបនឹងឆ្នាំ ២០១៦ ប្រមាណ ៥៥,៩ ភាគរយ ក៏តាមប្រកៀកប្រកិតនឹងក្រុមហ៊ុន Xiaomi លក់បាន ១៥,៧ លានគ្រឿង និង Fitbit បាន ១៥,៤ លានគ្រឿង ។ ក្រុមហ៊ុនឡើងកូដខ្លាំងបានទៅលើ Fossil ដែលលក់បាន ៤,៩ លានគ្រឿង ខុសគ្នា ១៣៣,១ ភាគរយ ធៀបឆ្នាំចាស់។
មួយទៀតសោតបើនិយាយពីនាឡិកាឆ្លាតវៃ Apple ក្តោបបាន ៥៣,០១ ភាគរយ ស្មើ ១៧,៧ លានគ្រឿង ហើយ SAMSUNG ឈរលេខ ៣ មាន ៣,៦ លានគ្រឿង បន្សំប៉ុន្មានក្រុមហ៊ុនឯទៀត ទោះ ៥ បូកបញ្ចូលគ្នា ក៏ពុំស្មើ Apple មួយនោះដែរ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: