Ronaldo រកបានពីរគ្រាប់ជួយ Real យក៣ពិន្ទុពី Eibar យ៉ាងពិបាករីឯ Barca ស៊ី Malaga ផុយ

2018-03-11 02:53:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធឆ្នើម Cristiano Ronaldo របស់ Real Madrid រកបានពីរគ្រាប់ ដើម្បីជួយក្រុមរបស់ខ្លួនយកឈ្នះម្ចាស់ផ្ទះ Eibar ២-១ យ៉ាងពិបាក រីឯ Barcelona វិញស៊ី Malaga ផុយ ២-០ ក្នុងការប្រកួត La Liga សប្ដាហ៍ទី២៨។

ជំនួបរវាងម្ចាស់ផ្ទះ Eibar និង Real ត្រូវបានគេមើលឃើញថា ម្ចាស់ផ្ទះមានការគ្រប់គ្រងបាល់បានច្រើនជាង និងមានប្រៀបដោយវាយសម្រុកទៅលើក្រុមភ្ញៀវច្រើនលើកច្រើនសារ តែធ្វើមិនបានសម្រេច។ ផ្ទុយទៅវិញពួកគេបានធ្វេសប្រហែស ដោយឲ្យឲ្យ Real រកបានគ្រាប់បាល់នាំមុខមុននៅនាទីទី៣៤ ដែលជាការទាត់បញ្ចូលទីយ៉ាងស្អាតរបស់កំពូលខ្សែប្រយុទ្ធ Ronaldo ។

ចូលដល់វគ្គទី២ ម្ចាស់ផ្ទះនៅតែព្យាយាមវាយសម្រុក ហើយធ្វើបានគ្រាប់បាល់តាមស្មើនៅនាទីទី៥០ ដោយខ្សែការពារ Ivan Ramis។ ការប្រកួតមិនទាន់បញ្ចប់ទេ ពោលគឺឈានដល់នាទីទី៨៤ ទៅហើយ ខ្សែប្រយុទ្ធ Ronaldo បានតែតមួយក្បាលរកបានគ្រាប់បាល់ជ័យជម្នះ២-១ នេះតែម្ដង។

ងាកទៅគូចុងក្រោយគេនៃព្រឹត្តិការណ៍ La Liga សម្រាប់យប់មិញវិញគឺ ក្រុមបាតតារាង Malagaត្រូវបានក្រុមភ្ញៀវអ្នកមានបុណ្យ Barcelona យកឈ្នះ ២-០ ផុយៗ ដែលពីរគ្រាប់នេះរកបានដោយ Luis Suarez នាទីទី១៥ និង Philippe Coutinho នាទីទី២៨ ៕