អុញនោះ! Prince Harry ជ្រួញចិញ្ចើមអន់ចិត្តពេលមិត្តស្រីញញឹមដាក់ Liam Payne

2018-03-13 03:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតសមាជិកក្រុមចម្រៀង One Direction, Liam Payne បានច្រៀងបទចម្រៀងមួយបទដែលជាស្នាដៃដើមរបស់ John Mayer នៅក្នុងកម្មវិធីមួយរបស់រាជវង្ស ប៉ុន្តែការសម្ដែងនោះបានធ្វើឲ្យ Prince Harry ឆួលចុងច្រមុះមិនតិចទេ។

គូស្នេហ៍រាជវង្សមួយគូនេះ បានអង្គុយមើលការសម្ដែងរបស់ Liam ខណៈពេលដែល Meghan Markle សើចកក្អឹក ស្រាប់តែ Prince Harry ជ្រួញចុងចិញ្ចើមក្រឡេកមើលនាង ទំនងជាប្រច័ណ្ឌជាមួយនឹងតារាចម្រៀងរូបនេះ។

Liam បានច្រៀងបទ "Waiting On the World” ដែលជាបទរបស់តារាចម្រៀង John Mayer សម្រាប់ក្រុមគ្រួសាររាជវង្ស។ កម្មវិធីនេះគឺជាកម្មវិធីសំខាន់មួយឈ្មោះ Commonwealth Day ដែលជាការប្រារព្ធឡើងដើម្បីឲ្យប្រជាជនគ្រប់ទីកន្លែងនៅក្នុងប្រទេសរួបរួមគ្នានិងប្រារព្ធនូវការមិនរើសអើងពូជសាសន៍។

គូសបញ្ជាក់ថា រូបថតដែលបង្ហាញពីភាពប្រច័ណ្ឌរបស់ ព្រះអង្គម្ចាស់ Harry ត្រូវបានគេចែកចាយគ្រប់ទីកន្លែង ប៉ុន្តែអ្នកខ្លះគិតថាប្រហែលជាលោកស្រលាញ់គូដណ្ដឹងខ្លាំងពេក បានជាអាក់អន់ចិត្តបន្តិចបន្តួចពេលឃើញគូដណ្ដឹងសម្លឹងមើលអ្នកដទៃ៕

អានអត្ថបទ៖

ប្រភព៖ Dailymail ប្រែសម្រួល៖ ធារ៉ូ