លន់ បញ្ញា៖ បើល្បីដល់ថ្នាក់វ៉ៃគូរអន្តរជាតិ ដឹងតែលុយច្រើនហើយ

2018-03-14 10:38:20
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរវ័យក្មេង លន់ បញ្ញា ថា ចំពោះអាជីពប្រដាល់នេះបើវ៉ៃត្រឹមគូរជាតិនិងជាតិប្រាក់តម្លៃខ្លួនបានល្មមនោះទេ ប៉ុន្តែបើដល់ថ្នាក់ប៉ះសុទ្ធតែអន្តរជាតិហើយ នឹងបានលុយច្រើនចំណែកជីវភាពក៏ធូរធារដែរ។

កីឡាករ លន់ បញ្ញា(ក្រហម)

លន់ បញ្ញា បានឲ្យដឹងថា បច្ចុប្បន្ននេះគឺខំប្រឹងប្រែងហ្វឹកហាត់ខ្លាំងតែមួយមុខគត់ មិនខ្វល់អ្វីទាំងអស់ ព្រោះរំពឹងថានៅថ្ងៃខាងមុននឹងមានកេរ្តិ៍ឈ្មោះល្បីល្បាញដូចរៀមច្បងមួយចំនួនក្នុងគុនខ្មែរដែរ។

កីឡាករ លន់ បញ្ញា(ក្រហម)

កីឡាករដើមកំណើតពីខេត្តព្រៃវែងខាងលើបន្តថា ចំពោះអ្នកប្រដាល់ដែលវ៉ៃត្រឹមគូរខ្មែរគ្នាឯងតម្លៃខ្លួនបន្តិចបន្តួចទេ អាចថាល្មមចំពោះការហូបចុកប្រចាំថ្ងៃ ប៉ុន្តែឡើងដល់ពិសេស ឬគូរបរទេសរហូតហើយ នឹងបានប្រាក់តម្លៃខ្លួនច្រើន។ អាចនិយាយបានថា កម្រិតជីវភាពធូរធារច្រើន ការចាយប្រចាំថ្ងៃ និងរបស់ប្រើប្រាស់គឺគ្រប់គ្រាន់ ជាក់ស្ដែងដូចជាសិស្សច្បងរបស់គេ ម៉ឺន សុភា រឿង សោភ័ណ្ឌ និងកីឡាករដទៃទៀត។

កត្តាទាំងនេះហើយ បានជំរុញទឹកចិត្តរបស់ខ្លួនឲ្យខំប្រឹងក្នុងអាជីពឈឺខ្លួននេះ ព្រោះចង់បានកេរ្តិ៍ឈ្មោះ និងជីវភាពល្អជាងនេះដូចជើងខ្លាំងរួមអាជីពផ្សេងៗទៀត។

កីឡាករ លន់ បញ្ញា ផ្ដួលដៃគូរ

លន់ បញ្ញា ជាកីឡាករមកពីសមាគមប្រដាល់ក្រសួងការពារជាតិ កូនសិស្សលោក ធន់ សុភា ហើយបច្ចុប្បន្នក៏ជាបេក្ខភាពម្នាក់ប្រកួតពានរង្វាន់ TV5 knock Out Series By Kcement និងជាប់ទៅជុំទី២ វគ្គ១៦នាក់ចុងក្រោយផងដែរ៕

អត្ថបទ៖ នួន ស៊ីណា