បុរសម្នាក់ចាយលុយរាប់រយដុល្លារក្នុង១ខែៗ ដើម្បីឲ្យដូច Human Ken Doll

2018-03-14 04:39:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសម្នាក់ឈ្មោះ Jonny Dylan ដែលកើតនៅទីក្រុងហុងកុង បានចំណាយលុយជាង ៨០០ដុល្លារជារៀងរាល់ខែដើម្បីកែប្រែរូបរាងរបស់លោកឲ្យដូចជា Human Ken Doll។

បើតាមការសម្ភាសជាមួយ Barcroft TV លោក Jonny បាននិយាយថា៖ "នៅពេលដែលខ្ញុំមានអាយុ៥ឆ្នាំ ខ្ញុំទទួលបានតុក្កតា Ken ជាលើកដំបូង។ វាជាតុក្កតា Malibu Ken ដែលមានសក់ពណ៌ទង់ដែង ភ្នែកពណ៌ខៀវ និងមានរោមភ្នែកពណ៌ខ្មៅ សម្បុរស្រអែមជាមួយនឹងរូបរាងស័ក្ដិសមសង្ហា។ នៅពេលដែលខ្ញុំឃើញតុក្កតា Ken ជាលើកដំបូងភ្លាម ខ្ញុំបានដឹងថា អ្វីទៅជាភាពល្អឥតខ្ចោះសម្រាប់ខ្ញុំ ហើយក៏បានដឹងខ្លួនឯងថាខ្ញុំនឹងត្រូវធ្វើអ្វីមួយ"។

លោក Jonny បានចំណាយថវិកាខ្ទង់រយដុល្លារជារៀងរាល់ខែទៅលើការវះកាត់នេះ ហើយលោកនៅតែបន្តការចាក់បំពេញមុខមាត់ រួមទាំងការធ្វើច្រមុះរបស់លោកឆាប់ៗនេះថែមទៀត។

បុរសរូបនេះបាននិយាយបន្ថែមទៀតថា៖ "ខ្ញុំនៅតែមិនសូវពេញចិត្តជាមួយទំហំមាត់របស់ខ្ញុំ ខ្ញុំចង់បានធំជាងនេះ។ ខ្ញុំត្រូវបានពេទ្យបដិសេធមិនចាក់បំពេញឲ្យជាញឹកញាប់ ព្រោះគាត់គិតថាបបូរមាត់របស់ខ្ញុំធំណាស់ទៅហើយ ហើយវាអាចនឹងប្រឈមនឹងគ្រោះថ្នាក់បើសិនជាខ្ញុំចាក់បំពេញថែមទៀត"។

បុរសចង់បានរូបរាងដូច Human Ken Doll រូបនេះបានចាប់ផ្ដើមចាក់បំពេញមុខមាត់របស់លោក តាំងពី៣ឆ្នាំមុន។ លោកបានកែប្រែមុខមាត់ឲ្យដូចជា Ken Doll ដោយប្ដូរពណ៌កែវភ្នែក ចាក់បំពេញមាត់ តុបតែងផាត់មុខ រួមទាំងឲ្យមានស្បែកពណ៌ខ្មៅស្រអែម៕