មិនធ្លាប់ដឹង! រូបវិទូ Stephen Hawking ធ្លាប់ព្រមានរឿងគួរឲ្យភ័យខ្លាចមួយអំពីប្រធានាធិបតីអាមេរិក

2018-03-15 03:04:29
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបវិទូដ៏ល្បីឈ្មោះ Stephen Hawking ដែលទទួលមរណភាពក្នុងវ័យ ៧៦ឆ្នាំកាលម្សិលមិញ ធ្លាប់បានព្រមានថារឿងមួយដែលប្រធានាធិបតីអាមេរិក លោក ដូណាល់ ត្រាំ ធ្វើនឹងប៉ះពាល់ដល់ភពផែនដី។

លោក Hawking បានលើកឡើងថា ការដែលលោក ដូណាល់ ត្រាំ ដកខ្លួនចេញពីកិច្ចព្រមព្រៀងទីក្រុង ប៉ារីស នឹងធ្វើឲ្យមានបញ្ហាធ្ងន់ធ្ងរដល់ភពផែនដី។ យោងតាមការសម្ភាសន៍ជាមួយ BBC រូបវិទូខាងលើនិយាយថា "ការប្រែប្រួលអាកាសធាតុ គឺជាគ្រោះថ្នាក់មួយដែលយើងជួបប្រទះ ហើយវាជាអ្វីមួយដែលយើងអាចរារាំងបាន ប្រសិនបើយើងធ្វើសកម្មភាពឥឡូវនេះ។ តាមរយៈការដកខ្លួនចេញពីកិច្ចព្រមព្រៀងអាកាសធាតុក្រុងប៉ារីសរបស់លោក ត្រាំ នឹងបង្កឱ្យមានការប៉ះពាល់ដល់បរិស្ថានភពផែនដី និងមានបញ្ហាដល់កូនៗរបស់យើង។"

ជាមួយគ្នាផងដែរ រូបវិទូដ៏ល្បីខាងលើក៏បានព្រមានថា មិនយូរមិនឆាប់ភពផែនដីយើងនឹងឡើងកម្ដៅខ្លាំងដូចនឹងភពសុក្រហើយមានធ្លាក់ភ្លៀងអាស៊ីដទៀតផងនៅពេលអនាគត ប្រសិនបើមិនមានចំណាត់ការណាមួយទាន់ពេលវេលា៕