កាកា ប្រាប់មូលហេតុកម្លាំងជើងទាត់ខ្លាំងពេលប្រកួត

2018-03-19 02:30:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេងរបស់កម្ពុជា កាកា កំពុងបង្ហាញទម្រង់ប្រកួតយ៉ាងល្អជាពិសេសនោះ វគ្គសន្សំពិន្ទុខ្សែក្រវាត់គូបូតាតែម្ដង ៤ដងផ្ដួលដៃគូរឲ្យសន្លប់ទាំង៤ដង ក្បាច់ដែលកីឡាកររូបនេះប្រើបានល្អ និងធ្ងន់ៗនោះគឺកម្លាំងជើង។

កីឡាករ កាកា

កាកា បានឲ្យដឹងថា ចំពោះការប្រកួតសប្ដាហ៍ចុងក្រោយកាលពីថ្ងៃសុក្រនេះ គឺមិនសូវជាពិបាកប្រកួតប៉ុន្មានទេ ដោយសារចប់លឿន និងមិនសូវជាអស់កម្លាំងច្រើន។ ដោយសារការស្ទាបស្ទង់គ្នាលើសង្វៀនប៉ុន្មានទឹករួមមក អ្នកប្រដាល់របស់កម្ពុជាខាងលើ ដឹងថាដៃគូរខ្សោយជើងក្រោម ក៏ព្យាយាមទាត់ឲ្យខូច និងយកជ័យជម្នះតែម្ដងទៅ។

កាកា ផ្ដួលដៃគូរកន្លង

ទាក់ទិនទៅនិងការប្រើប្រាស់ជើងបានល្អនាការប្រកួតកន្លងមកនេះ អ្នកប្រដាល់វ័យ១៩ខាងលើបន្ថែមថា គឺហ្វឹកហាត់ការប្រើជើងឲ្យខ្លាំង ដូចជារត់យកទម្ងន់ជើងរហូតដល់ទៅ២០គូឡូម៉ែត្រក្នុងមួយថ្ងៃ ព្រឹក១០គីឡូ និងថ្ងៃ១០គីឡូ។ ក្រៅពីនេះទៀត ទាត់បាវសាក់ឲ្យច្រើន នោះកម្លាំងជើងនិងធ្ងន់ល្អហើយ។

កីឡាករ កាកា ក្រហម

កាកា ជាកូនសិស្សលោកគ្រូ សាន់ សាយយ៉ាន់ មកពីខេត្តបន្ទាយមានជ័យ ៤ប្រកួតចុងក្រោយឈ្នះ និងផ្ដួលដៃគូរឲ្យសន្លប់ទាំងអស់ ឥលូវជាប់ទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់គូបូតា ជាមួយកីឡាករ ឡុង ជិន។ ប្រកួតចុងក្រោយរបស់គេផ្ដួលថៃឲ្យសន្លប់ក្នុងទឹកទី២នៅសង្វៀនបាយ័នស្ទឹងមានជ័យ៕

អត្ថបទ៖ នួន ស៊ីណា