ពានសូហ្វតេន្នីសឆ្នាំនេះ ការចំណាយក៏ច្រើន ប្រាក់រង្វាន់កប់
- 2018-03-16 07:07:21
- ចំនួនមតិ 0 | ចំនួនចែករំលែក 0
ពានសូហ្វតេន្នីសឆ្នាំនេះ ការចំណាយក៏ច្រើន ប្រាក់រង្វាន់កប់
ចន្លោះមិនឃើញ
ការប្រកួតកីឡាសូហ្វតេន្នីសពានសម្ដេចក្រឡាហោម ស ខេង លើកទី៥ ឆ្នាំ២០១៨ បានរកឃើញជើងឯក និងបានបញ្ចប់ការប្រកួតកាលពីព្រឹកមិញនេះនៅពហុកីឡដ្ឋានជាតិ។
ក្នុងឱកាសបិទការប្រកួតនេះលោក ជា ប៊ុនហេង អនុប្រធានទី១ របស់សហព័ន្ធបានឲ្យដឹងថា ការចំណាយជារៀងរាល់ឆ្នាំក្នុងការបង្កើតព្រឹត្តិការណ៍ខាងលើច្រើនគួរសមខ្ទង់ប្រមាណ ៧ ទៅ ៨ ពាន់ដុល្លារអាមេរិក។ ចំណែកប្រាក់រង្វាន់វិញត្រូវបានបែងចែកជា២ កម្រិត ក និង ខ។
លោកបញ្ជាក់ថា សម្រាប់ការផ្ដល់ប្រាក់រង្វាន់ច្រើនដល់កីឡាករក្នុងព្រឹត្តិការណ៍នេះគឺអាចឲ្យពួកគេមានទឹកចិត្ត ទាំងការហ្វឹកហាត់ និងទឹកចិត្តក្នុងការប្រឹងប្រែងប្រកួត។ ការបង្កើតព្រឹត្តិការណ៍នេះគឺចលនាមួយជួយជំរុញវិស័យកីឡានេះឲ្យបោះជំហានទៅមុខកាន់តែខ្លាំង។
ប្រាក់រង្វាន់សម្រាប់កម្រិត «ក»
លេខ១ ទឹកប្រាក់ ៨០ម៉ឺនរៀល
លេខ ២ ទទួលបាន ៦០ ម៉ឺនរៀល
លេខ ៣ ទទួលបាន ៤០ ម៉ឺនរៀល
លេខ ៤ ទទួលបាន ២០ ម៉ឺន
ប្រាក់រង្វាន់កម្រិត «ខ»
លេខ ១ ទទួលបាន ៥០ ម៉ឺនរៀល
លេខ ២ ទទួលបាន ៤០ ម៉ឺនរៀល
លេខ ៣ ទទួលបាន ៣០ ម៉ឺនរៀល
លេខ ៤ ទទួលបាន ២០ ម៉ឺនរៀល
ចំនួនប្រាក់រង្វាន់នៃព្រឹត្តិការណ៍ខាងលើបើធ្វើការប្រៀបធៀបទៅ នឹងប្រាក់រង្វាន់ក្នុងព្រឹត្តិការណ៍កីឡាជាតិឆ្នាំ២០១៨ ដែលបង្កើតឡើងរៀងរាល់ពីរឆ្នាំម្ដងគឺមានប្រហាក់ប្រហែលគ្នា៕