ឡុង ជិន វគ្គពាក់កណ្ដាលផ្ដាច់ព្រ័ត្រគូបូតា ប៉ះអ្នកណាក៏បានដែរស្វាគមន៍ជានិច្ច

2018-03-20 08:09:02
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករគុនខ្មែរលេចធ្លោខ្លាំងនាពេលបច្ចុប្បន្ន ឡុង ជិន ថា វគ្គពាក់កណ្ដាលផ្ដាច់ព្រ័ត្រនៅពេលខាងមុខនេះ ប៉ះឡាវ ឬប៉ះថៃរូបណាក៏បានដែរ ពោលស្វាគមន៍ជានិច្ច ហើយសង្ឃឹមខ្ពស់ថានឹងបានឡើងទៅវគ្គផ្ដាច់ព្រ័ត្រ។

កីឡាករ ឡុង ជិន

ឡុង ជិន បានឲ្យដឹងថា ក្នុងថាក្នុងចំណោមកីឡាករថៃ និងឡាវទាំង៤នាក់ ដែលធ្លាប់ប្រកួតវិលជុំសន្សំពិន្ទុកន្លងមក មានតែ ឃុមភិឈិត ដែលជាជំនួបចុងក្រោយនេះទេ ហាក់តានតឹងបន្តិចទម្រាំយកឈ្នះបាន។ អាចថាកីឡាករដែលពិបាកប្រកួតជាងគេ ក្នុងចំណោមបេក្ខភាពបរទេសទាំង៤នាក់នេះ។ អ្នកប្រដាល់ថៃខាងលើនេះ ខ្សោយជើងក្រោម និងល្អចាប់ ហើយលឿន។

កីឡាករ ឡុង ជិន

ប៉ុន្តែនៅវគ្គពាក់កណ្ដាលផ្ដាច់ព្រ័ត្រ បើជួបគ្នាជាមួយ ឃុមភិឈិត នឹងខំប្រឹងឲ្យឈ្នះបានល្អជាងនេះទៅទៀត។ ចំពោះអ្នកផ្សេងទៀតនោះ ក៏មិនជាបញ្ហាទេនៅពេលប្រកួតវគ្គពាក់កណ្ដាលផ្ដាច់ព្រ័ត្រនៅប៉ុន្មានសប្ដាហ៍ទៀតនោះ។

កីឡាករ ឡុង ជិន

ឡុង ជិន ជាអ្នកប្រដាល់មកពីក្លឹបខ្លារខិន ៤ប្រកួតចុងក្រោយរបស់គេផ្ដួលដៃគូរឲ្យសន្លប់ទាំងអស់នៅសង្វៀនបាយ័នស្ទឹងមានជ័យ ឥលូវនេះឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់គូបូតាហើយ ប៉ុន្តែមិនទាន់ដឹងថាត្រូវជួបកីឡាកររូបណាឡើយ រង់ចាំបេក្ខភាពដទៃទៀតប្រកួតបញ្ចប់សប្ដាហ៍នេះសិន៕

អត្ថបទ៖ នួន ស៊ីណា