Bale ស៊ូខ្លាំងជិះយន្តហោះ៣០ម៉ោង ចម្ងាយជាង១ ២០០០គ.ម ទៅលេងពាននៅចិន
- 2018-03-21 03:04:57
- ចំនួនមតិ 0 | ចំនួនចែករំលែក 0
Bale ស៊ូខ្លាំងជិះយន្តហោះ៣០ម៉ោង ចម្ងាយជាង១ ២០០០គ.ម ទៅលេងពាននៅចិន
ចន្លោះមិនឃើញ
Gareth Bale បានបង្ហាញការតាំងចិត្តយ៉ាងមុតមាំ សម្រាប់ជម្រើសជាតិវែល ដោយចំណាយពេលរាប់ម៉ោងហោះទៅប្រទេសចិន និងចេញមកហ្វឹកហាត់ភ្លាមៗមិនតិចជាង៤ម៉ោង។
Bale បានធ្វើដំណើរជាង ១ ២០០០គ.ម ក្នុងជើងហោះហើរចំនួន៣ ដើម្បីចូលរួមហ្វឹកហាត់លើកដំបូងក្រោមការដឹងរបស់គ្រូវែលថ្មី Ryan Giggs ដែលកំពុងនៅទីលានហាត់ Guangxi Sports Centre ប្រទេសចិន។ ក្នុងជើងហោះហើរទាំង៣ ដំបូង Bale ត្រូវហោះពីទីក្រុង Madrid ទៅទីក្រុងឡុងដ៏ បន្ទាប់មកចេញពីឡុងដ៍ទៅខេត្ត Guangzhou ប្រទេសចិន រួចបន្តទៅទីក្រុង Nanning។
កីឡាកររបស់ Real Madrdi ទៅប្រទេសមហាអំណាចអាស៊ី ដើម្បីបំពេញភារកិច្ចជាមួយជម្រើសជាតិវែល លេងពាន China Cup ដែលប្រទេស៣ផ្សេងចូលរួមដូចជា ម្ចាស់ផ្ទះចិន អ៊ុយរុយហ្គាយ និងឆេក។
ការមកដល់របស់ Bale ក្នុងតំបន់ប្រកួតទីក្រុង Nanning មានការទទួលស្វាគមន៍យ៉ាងរាក់ទាក់ ព្រមទាំងមានអ្នកគាំទ្រចាំស៊ីញេអាវទៀតផង។ China Cup នឹងចាប់ផ្ដើមលេងនៅថ្ងៃស្អែកនេះ រវាងម្ចាស់ផ្ទះចិន ជាមួយវែល ខណៈថ្ងៃបន្ទាប់ អ៊ុយរុយហ្គាយ ជួបឆេក។ ប្រទេសណាដែលឈ្នះនឹងឡើងលេងផ្ដាច់ព្រ័ត្រយកពានតែម្ដង៕