ហេតុអ្វីកូរ៉េខាងត្បូងយកតែ Red Velvet ១ក្រុមគត់ឲ្យទៅសម្ដែងនៅកូរ៉េខាងជើង?

2018-03-23 01:23:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ប្រគំតន្ត្រីដ៏ធំជាប្រវត្តិសាស្ត្រ ប្រារព្ធឡើងដើម្បីរឹតចំណងមិត្តភាពរវាងប្រទេសកូរ៉េខាងជើង និងខាងត្បូង នឹងលេចរូបរាងនៅពេលខាងមុខដ៏ខ្លី។

ចូលរួមបង្ហាញទស្សនីយភាពសម្ដែងនាថ្ងៃនោះមានតារា K-Pop ជាច្រើន ប៉ុន្តែចំណុចគួរឲ្យចាប់អារម្មណ៍ មានតែ Red Velvet ទេដែលជាក្រុមចម្រៀងក្នុងចំណោមតារាចូលរួមទាំងនោះ។

Red Velvet

ប្រការនេះ បានធ្វើឲ្យអ្នកគាំទ្រជាច្រើនមានការងឿងឆ្ងល់ ថាហេតុអ្វីក្រុមការងារកម្មវិធីជ្រើស Red Velvet តែ១ក្រុម ខណៈ K-Pop មានក្រុមចម្រៀងជាច្រើនផ្សេងទៀតល្បីឈ្មោះដូចជា Girls' Generation និង TWICE ជាដើម។ ពេលនេះចម្ងល់ទាំងនោះ ត្រូវបានស្រាយបំភ្លឺហើយ។

TWICE

ការពិត ដោយសារ ប្រជាប្រិយភាពរបស់ Red Velvet ក្នុងប្រទេសកូរ៉េខាងជើងមានសន្ទុះខ្លាំងគួរឲ្យកត់សម្គាល់។ ឧទាហរណ៍ជាក់ស្ដែង កីឡាការិនីជិះស្គីលើទឹកកកជនជាតិកូរ៉េខាងជើងម្នាក់បានច្រៀងបទរបស់ Red Velvet មានចំណងជើងថា "Ice Cream Cake" អំឡុងពេលកំពុងហ្វឹកហាត់ទៀតផង។

កីឡាការិនីជិះស្គីលើទឹកកកជនជាតិកូរ៉េខាងជើង

ចម្ងល់មួយទៀតនោះ គឺថាហេតុអ្វី ក្រុមចម្រៀងបុរសល្បីដូច BTS និង EXO មិនមានមុខក្នុងកម្មវិធីនេះ?

BTS

EXO

អ្នកគ្រប់គ្រងកម្មវិធីនេះម្នាក់ ក៏បានលើកឡើងដែរថា នេះក៏ដោយសារកូរ៉េខាងជើងមានការព្រួយបារម្ភខ្លាចក្រុមចម្រៀងទាំងនោះ បញ្ចេញមន្តស្នេហ៍ និងបង្ហាញទស្សនីយភាពសម្ដែងខ្លាំងក្លាពេក អាចធ្វើឲ្យអ្នកចូលរួមជនជាតិនេះមានអារម្មណ៍ជ្រួលច្របល់។

សរុបសេចក្ដីមក រាល់ចម្ងល់ទាំងឡាយ ត្រូវស្រាយហើយពេលនេះ ហើយម្នាក់ៗក៏កំពុងរង់ចាំតាមដានព័ត៌មានផ្សេងៗទាក់ទងនឹងព្រឹត្តិការណ៍ធំនេះដែរ៕

ចុចអាន៖

ប្រភព៖ Koreaboo ប្រែសម្រួល៖ យី សុធារី