ការប្រកួតបវរកញ្ញា Miss Venezuela ត្រូវពន្យារពេល ក្រោយផ្ទុះរឿងដោះដូរខ្លួនប្រាណ
- 2018-03-24 05:01:43
- ចំនួនមតិ 0 | ចំនួនចែករំលែក 0
ការប្រកួតបវរកញ្ញា Miss Venezuela ត្រូវពន្យារពេល ក្រោយផ្ទុះរឿងដោះដូរខ្លួនប្រាណ
ចន្លោះមិនឃើញ
កម្មវិធីប្រកួតបវរកញ្ញា Miss Venezuela ត្រូវបានពន្យារពេលបណ្តោះអាសន្ន ដោយសារអ្នកស៊ើបអង្កេតក្នុងតំបន់កំពុងតែស្រាវជ្រាវពីករណីមួយ ពាក់ព័ន្ធនឹងការទទួលប្រាក់ពីអ្នកជំនួញ និងបុគ្គលិករបស់រដ្ឋាភិបាលជាថ្នូរក្នុងការដោះដូរផ្លូវភេទ។
ការស៊ើបអង្កេតជាផ្លូវការមួយត្រូវបានធ្វើឡើងដោយអ្នករៀបចំកម្មវិធី ក្រោយអ្នកលេងតាមបណ្ដាញសង្គមមានការខឹងសម្បា ព្រោះតែអ្នកចូលរួមប្រកួតមុនៗបានចោទប្រកាន់គ្នាដោយអាកប្បកិរិយាមិនសមរម្យ។
ការផ្ទុះកំហឹង និងជាព័ត៌មានដ៏ក្ដៅគគុកលើបណ្ដាញសង្គមនៅក្នុងខែនេះ គឺបណ្ដាលមកពីក្រុមអ្នកចូលរួមប្រកួតមុនៗបាននិយាយពាក្យពេចន៍មិនសមរម្យ ថាបេក្ខនារីដែលនៅសល់ទាំងប៉ុន្មាននោះបានខំប្រឹងសម្ញែងខ្លួនរបស់ពួកគេក្នុងការយកឈ្នះការប្រកួតនេះ ដោយហ៊ានឲ្យរូបរាងកាយរបស់ពួកគេទៅឲ្យអ្នកជំនួញ និងមន្ត្រីពុករលួយមួយចំនួន។
ទោះជាយ៉ាងណា អ្វីៗនៅមិនទាន់ប្រាកដនៅឡើយទេថា រឿងអាស្រូវមួយនេះអាចបង្កផលប៉ះពាល់ដល់ការប្រកួតបវរកញ្ញា Miss Venezuela ដែលគ្រោងនឹងធ្វើឡើងនៅចុងឆ្នាំនេះ ឬក៏អត់នោះ៕
ចុចអាន៖