លេងហ្គេមទាយគូព្រេងលើហ្វេកប៊ុក បើជៀសបានល្អ ប្រយ័ត្នទឹកភ្នែក!

2018-03-28 03:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ហ្គេមទាយគូព្រេង ជាប្រភេទ Access Token ដែលជាផ្ទាំងបញ្ឆោតឲ្យអ្នកចូលលេង និងជាវិធីសាស្ត្ររបស់ជនឱកាសនិយមលើហ្វេកប៊ុក បន្លំអ្នកដោយមិនដឹងខ្លួន។

រូបតំណាងហ្គេមទស្សន៍ទាយ

បើតាមលោក អ៊ូ ផាន់ណារិទ្ធ ជាសាស្ត្រាចារ្យផ្នែកបច្ចេកវិទ្យា និងសុវត្ថិភាពកុំព្យូទ័រអះអាងថា **ថ្មីៗនេះគេរកឃើញវិធីសាស្ត្រមួយថ្មីទៀតជាហ្គេមទស្សន៍ទាយដែលគេបន្លំដើម្បីអាចចូលលួចគណនីហ្វេកប៊ុករបស់អ្នកបានដែលគេហៅថា វិធី Phishing។**

ឧទាហរណ៍៖ នៅពេលអ្នកលេង នោះវាទាមទារឲ្យភ្ជាប់ជាមួយហ្វេកប៊ុក ដែលគេហៅថា Access Token របស់គណនីអ្នក (មានន័យស្មើនឹង Username/Password របស់អ្នក) ដែលជាល្បិចបញ្ឆោតឲ្យបញ្ចូលឈ្មោះ និងពាក្យសម្ងាត់ដោយប្រយោល។ និយាយឲ្យខ្លី អ្នកប្រគល់ទាំង Username/Password នោះឲ្យគេដោយខ្លួនឯង។

វិធី Phishing មានច្រើនបែប ច្រើនសណ្ឋាន តែលោកលើកយកតែចំណុចមួយយកមកបកស្រាយប៉ុណ្ណោះគឺ ការលេងហ្គេមកម្សាន្តទាយអាយុ ទាយគូព្រេង ឬទាញអ្វីផ្សេងៗដែលជាប្រធានបទកំពុងចាប់អារម្មណ៍ខ្លាំងក្នុងពិភពសន្តិសុខបច្ចេកវិទ្យា សូម្បីតែអ្នកប្រើហ្វេកប៊ុកជាង ៥០ លានគណនី ដែលគេលួចយក ត្រូវបានទម្លាយឲ្យដឹង គឺលួចបានតាមរយៈវិធីលេងហ្គេមទស្សន៍ទាយ។

រូបតំណាងហ្គេមទស្សន៍ទាយ

#តើអ្នកត្រូវធ្វើដូចម្ដេចដើម្បីជៀសវាង?

ដើម្បីការពារជាមុន ត្រូវស្វែងយល់ឲ្យបានច្បាស់ពីវេបសាយទាំងនេះ ថាតើមានប្រភពច្បាស់លាស់ឬទេ? តើក្រុមហ៊ុនណាជាអ្នកបង្កើតវា? ដើម្បីជៀសវាងការលួចយកគណនីរបស់អ្នក ដោយអ្នកមិនដឹងខ្លួន។

#ដំណោះស្រាយ

បើសិនជាចៃដន្យ អ្នកបានលេងហ្គេមទាំងនេះ ប្រញាប់ចូលទៅប្តូរពាក្យសម្ងាត់(Password) ជាបន្ទាន់។ ដោយចូលទៅ Setting => App រួចស្វែងរកមើល App ណាដែលគួរឲ្យសង្ស័យ ហើយ remove វាចេញ មុននិងអ្វីៗត្រូវចប់៕

អានបន្ត៖

អត្ថបទ៖ រក្សា