ភ្ញាក់ផ្អើល ពេលដឹងប្រភពសំឡេងដែលឮ ពេលចុចថតរូបលើ iPhone

2018-03-28 07:26:52
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលដែលអ្នកចុចថតរូបលើ iPhone ឬ Screenshot លើកុំព្យូទ័រ Mac សំឡេងក្រឹកដែលអ្នកបានឮនោះ តាមពិតជាសំឡេងរបស់ម៉ាស៊ីនថតរូបហ្វីល Canon AE-1 ដែលផលិតនៅអំឡុងឆ្នាំ ១៩៧០ និង ឆ្នាំ ១៩៨០។

សំឡេងនេះត្រូវបានដាក់បញ្ចូលលើ iPhone ឬ Mac នៅចុងឆ្នាំ ១៩៨០ ដោយលោក Jim Reekes វិស្វករផ្នែកសំឡេងនៅ Apple។ សំឡេងនេះត្រូវបានថតចេញពីកាមេរ៉ា AE-1 ដែលលោក Reekes ទិញយកមកប្រើប្រាស់តាំងពីពេលរៀននៅមហាវិទ្យាល័យ។ វិស្វកររូបនេះបានប្រើប្រាស់ការថតរូបនៅល្បឿនយឺត ដើម្បីអាចបង្កើតសំឡេងនេះបាន។

លោក Jim Reekes

ក្នុងកិច្ចសម្ភាសន៍ជាមួយទូរទស្សន៍ CNBC លោក Reekes បាននិយាយថា ៖ "គ្រប់ពេលដែលអ្នកថតរូបដោយប្រើ iPhone វាគឺជាសំឡេងកាមេរ៉ារបស់ខ្ញុំ។ វាធ្វើឲ្យខ្ញុំស្រឡាំងកាំងដែរ ព្រោះសូម្បីមកទល់សព្វថ្ងៃនេះ ពេលដែលខ្ញុំឬសំឡេងថតរូបចេញពី iPhone ខ្ញុំងាកមើលថា នរណាលួចកាមេរ៉ាខ្ញុំ”។

Reekes បានចាកចេញពី Apple នៅចុងឆ្នាំ ១៩៩០ ជាពេលដែល Apple នៅមិនទាន់ល្បីល្បាញនៅឡើយ ហេតុនេះទើបមិនទទួលបានលាភសំណាងអ្វីច្រើនពីស្នាដៃដែលខ្លួនបង្កើតសម្រាប់ Apple៕

-->Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ petapixel ប្រែសម្រួល៖ សុខហេង