ដឹងមូលហេតុ iPhone 5s អាប់ដែតទៅ iOS 11.3 គ្មានមុខងារត្រួតពិនិត្យគុណភាពថ្ម

2018-04-02 01:44:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រឡេកទៅចុងឆ្នាំ ២០១៧ ម្ចាស់ iPhone សេរ៊ីទាបមួយចំនួនធំបានជួបបញ្ហាសុខៗម៉ាស៊ីនរលត់ឬត្រូវ Reboot ដោយឯកឯង ហើយគ្រានោះក្រុមហ៊ុន Apple បានសន្យានឹងធ្វើការ Update នូវប្រព័ន្ធប្រតិបត្តិជំនាន់ក្រោយរបស់ខ្លួន ដើម្បីមកកែកំហុសឆ្គងមួយនេះ។ ដោយឡែកគ្រប់យ៉ាងបានក្លាយជាការពិត ក្រោយក្រុមហ៊ុនលោក Tim Cook បានបើកឲ្យប្រើប្រាស់ iOS 11.3 ជាផ្លូវការនាសប្តាហ៍មុន ជាមួយការបន្ថែមនូវមុខងារត្រួតពិនិត្យគុណភាពថ្មឲ្យឈ្មោះ Battery Health។

រូបតំណាងមុខងារ Battery Health

ប៉ុន្តែចម្ងល់ចាក់ដោតមួយបានបង្ហោះសួរជុំវិញប្រព័ន្ធអ៊ីនធឺណិត ហេតុអ្វីម៉ាស៊ីន **iPhone 5s** ក្រោយទទួលបានកំណែអាប់ដែតចុងក្រោយហើយ ផ្ទុយទៅវិញគ្មានមុខងារសំខាន់នោះដូចម៉ូឌែលដទៃ?

បើតាមការបកស្រាយពី Apple បានបញ្ជាក់ថានោះក៏មកពីអង្គគណនា CPU លើជំនាន់ 5s ពុំរងផលប៉ះពាល់ពីបញ្ហាដូចបានបញ្ជាក់ពីខាងដើម ហើយដើមចមជំរុញឲ្យក្រុមហ៊ុនធ្វើឲ្យម៉ាស៊ីនមានដំណើរការយឺតឬឈានដល់រលត់បានកើតតែលើម៉ូឌែល iPhone 6 ឡើង ត្រង់ចំណុចនេះហើយដែលខ្លួនសម្រេចមិនបញ្ចូលមុខងារ Battery Health ទៅលើម៉ាស៊ីន iPhone សេរ៊ីឆ្នាំ ២០១៣ មួយនោះ។