គម្រោងរោងចក្រឡាន និង ម៉ូតូ ដែលបានការអនុញ្ញាតពីរដ្ឋាភិបាល នៅខែមីនា

2018-04-02 03:45:47
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីខែមីនា ឆ្នាំ ២០១៨ កន្លងទៅ គណៈកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជាបានសម្រេចចេញ “វិញ្ញាបនប័ត្រចុះបញ្ជីជាស្ថាពរ” ជូនដល់ក្រុមហ៊ុនជាច្រើន លើគម្រោងវិនិយោគចំនួន១៤ សរុបទុនជាង ២៤០លានដុល្លារ និងបង្កើតការងារជាង១ម៉ឺនកន្លែង។ ក្នុងនោះមានគម្រោងសំខាន់ៗចំនួន ២ មានជាប់ទាក់ទងនឹងរថយន្ត និង ម៉ូតូ មានដូចជា ៖

រូបតំណាង

- គម្រោងបង្កើតរោងចក្រផលិតសម្ភារៈបរិក្ខារកង់ និងម៉ូតូ។ គម្រោងនេះជារបស់ក្រុមហ៊ុន Da Chao Shong Composites Technology Cambodia Co., Ltd មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេងបាវិត ខេត្តស្វាយរៀង មានទុនវិនិយោគប្រមាណ ២,៣៨ លានដុល្លារ និងអាចបង្កើតការងារបានចំនួន ១៥៧ ន្លែង។

រូបតំណាង

គម្រោងបង្កើតរោងចក្រផ្គុំ និងដំឡើងរថយន្ត។ គម្រោងនេះជារបស់ក្រុមហ៊ុន INTERNATIONAL VCV INDUSTRY CO., LTD ដែលមានទីតាំងវិនិយោគស្ថិតនៅភូមិទ្រុងមាន់ សង្កាត់អូរបែកក្អម (អតីតភូមទឹកថ្លា សង្កាត់ទឹកថ្លា) ខណ្ឌសែនសុខ រាជធានីភ្នំពេញ មានទុនវិនិយោគប្រមាណ ៤,០៧ លានដុល្លារ និងអាចបង្កើតការងារបានចំនួន ៨២០ កន្លែង។

ក្រៅពីនេះ គឺជាគម្រោងបង្កើតរោងចក្រផលិតសាប៊ូ រោងចក្រកាត់ដេរសម្លៀកបំពាក់ និងស្បែកជើង គម្រោងបង្កើតកសិដ្ឋានដាំដំណាំកសិ-ឧស្សាហកម្ម (ដើមកៅស៊ូ) និងគម្រោងបង្កើតរោងម៉ាស៊ីនកិនស្រូវជាដើម៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ Kley Kley អត្ថបទ ៖ សំភី