ក្រុមហ៊ុនជប៉ុនដាក់មួយម៉ាត់ ឲ្យក្រុមហ៊ុនផលិតរថយន្តស្វ័យប្រវត្តិអាមេរិក

2018-04-09 04:12:12
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចេកវិទ្យាបើកបរស្វ័យប្រវត្តិត្រូវបានគេប្រទះឃើញលេចធ្លាយជាច្រើនតាមបណ្តាក្រុមហ៊ុនផលិតរថយន្តរបស់សហរដ្ឋអាមេរិក ខុសពីប្រទេសជប៉ុនដែលកំពុងសម្ងំដុតដៃដុតជើងអភិវឌ្ឍស្រដៀងគ្នានិងគ្មានការបង្ហើបជាសាធារណៈអ្វីឡើយ។ បើយោងតាមសហស្ថាបនិកនៃក្រុមហ៊ុន Preferred Networks លោក Daisuke Okanohara បានសង្កត់ធ្ងន់ថាទង្វើរបស់អាមេរិក គ្រាន់ជាយុទ្ធសាស្ត្ររំអុកទីផ្សារទុកជាមុនតែប៉ុណ្ណោះ។

លោក Okanohara បានមានប្រសាសន៍ថា៖ "ខ្ញុំមើលមិនឃើញពីភាពខុសគ្នារវាងការអភិវឌ្ឍរថយន្តបើកស្វ័យប្រវត្តិរវាងអាមេរិកនិងជប៉ុនឡើយ គ្រាន់ប្រទេសនីមួយៗឈរលើចក្ខុវិស័យខុសប្លែកពីគ្នា" ។

លោកបន្ថែម៖ "ជាឧទាហរណ៍កំណើនប្រជាជនវ័យចំណាស់នៅជប៉ុនមានការកើនឡើងឆាប់រហ័ស ហើយភាគច្រើនពួកគាត់ក៏ប្រើប្រាស់រថយន្តជាមធ្យោបាយដឹកជញ្ជូន ដោយយើងសង្កេតឃើញតួលេខគ្រោះថ្នាក់ចរាចរណ៍កើនឡើងខ្លាំងដោយសារតែអ្នកបើកបរវ័យចំណាស់ ត្រង់ចំណុចនេះយើងក៏ចូលខ្លួនបំពេញតម្រូវការយានយន្តស្វ័យប្រវត្តិកម្មនិងប្រព័ន្ធជំនួយជាន់ខ្ពស់ (ADAS) ដើម្បីឲ្យប្រាកដពីសុវត្ថិភាពនិងភាពដែលអាចទុកចិត្តបានលើការបើកបរ"។