ទឹកភ្នែកហើយ! iOS 11.3 មានបញ្ហាច្រើនមិនស្ទើរ ចង់ទម្លាក់ Version ក៏មិនបានទៀត
- 2018-04-09 04:05:07
- ចំនួនមតិ 0 | ចំនួនចែករំលែក 0
ទឹកភ្នែកហើយ! iOS 11.3 មានបញ្ហាច្រើនមិនស្ទើរ ចង់ទម្លាក់ Version ក៏មិនបានទៀត
ចន្លោះមិនឃើញ
កាលពីសប្ដាហ៍មុន iOS 11.3 ត្រូវបានបញ្ចេញឲ្យដំឡើងជាផ្លូវការ ដែលមានដោះស្រាយបញ្ហាមួយចំនួន និងបន្ថែមមុខងារថ្មីខ្លះ។ យ៉ាងណាក្ដីនៅលើ iOS ជំនាន់ចុងក្រោយនេះ មានអ្នកប្រើប្រាស់មិនតិចទេ បានរាយការណ៍ពីបញ្ហាមិនប្រក្រតី។
ផ្អែកតាមវិបសាយ Apple Insider ឲ្យដឹងថា អ្នកប្រើប្រាស់ជាច្រើនបានអះអាងថា iOS 11.3 ធ្វើឲ្យឧបករណ៍របស់ពួកគេឆាប់អស់ថ្មជាងមុន និងខ្លះទៀតត្អូញត្អែរលើបញ្ហាបង្ហាញរូបភាព ដូចជាការបាត់ Keyborad ជាដើម។
បន្ថែមពីនេះក៏មានបញ្ហាទាក់ទងនឹងការភ្ជាប់ Bluetooth ជាពិសេសជាមួយកាស Airpod, បញ្ហាលើការ Streaming, បញ្ហា User Interface ក្នុងកម្មវិធី Apple Music, បញ្ហានៅពេលកែសម្រួលទីតាំងកម្មវិធីលើ Homescreen, បញ្ហា Gesture Control លើ iPhone X និង មិនអាចប្រើប្រាស់តួអក្សរពិសេសមួយចំនួន។
គួរឲ្យសោកស្ដាយនោះគឺ ម្ចាស់ iPhone ដែលប្រើ iOS 11.3 មិនអាចធ្វើការ Downgrade ត្រឡប់ទៅ iOS 11.2.6 បាននោះទេ ដោយសារតែ Apple បានបិទចោលនូវ Server នៃប្រព័ន្ធប្រតិបត្តិការជំនាន់នេះ។
ជាមួយបញ្ហាដែលកើតមានច្រើនខុសពីធម្មតាបែបនេះ រួមទាំងបិទមិនឲ្យទម្លាក់ Version ទៀតនោះ Apple ប្រហែលជាត្រូវបង្ខំចិត្តបញ្ចេញ iOS 11.3.1 ដើម្បីដោះស្រាយបញ្ហាទាំងនេះ ក្នុងពេលឆាប់ៗខាងមុខ។ គួរដឹងថាបច្ចុប្បន្ននេះ Apple កំពុងធ្វើការលើ iOS 11.4 ដែលមានផ្ដល់មុខងារថ្មីៗរួមមាន AirPlay 2៕
ចុចអាន៖