តួរឿង "Guadians of the Galaxy” ចេញមុខវាយបកពួកនៅហូលីវូដ ដែលមើលងាយរឿងរបស់ Marvel

2018-04-09 08:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាហូលីវូដល្បីឈ្មោះ Zoe Saldana ដែលបានសម្ដែងជាតួអង្គ Gamora ក្នុងរឿង "Guardians of the Galaxy” មិនពេញចិត្តទេ ចំពោះយោបល់របស់ពួកអ្នកមានឋានៈខ្ពស់ៗនៅហូលីវូដ និយាយម៉ាក់ងាយភាពយន្តបែបវីរបុរសរបស់ Marvel។

នៅក្នុងកិច្ចសម្ភាសន៍មួយ ជាមួយវិបសាយហ្វេសិនរបស់អង់គ្លេស Net-A-Porter តារារូបនេះបាននិយាយថា នាងត្រូវបានមនុស្សជាច្រើននៅហូលីវូដម៉ាក់ងាយដោយសារតែចូលរួមសម្ដែងនៅក្នុងភាពយន្តបែបវីរបុរស (Superhero)។

Saldana បានបញ្ជាក់ប្រាប់ថា ទោះបីជានាងសម្ដែងនៅក្នុងរឿងប្រភេទនេះក៏ដោយ ក៏នាងនៅតែសំខាន់ក្នុងនាមជាតារាសម្ដែងមួយរូបដែរ ព្រោះរឿងប្រភេទនេះផ្ដល់នូវអ្វីវិជ្ជមានដល់ក្មេងតូចៗ នូវអ្វីដែលពួកគេអាចរំពឹងមើលជាវីរបុរសរបស់ពួកគេ។

តារាជើងចាស់រួបនេះ ធ្លាប់សម្ដែងក្នុងរឿងល្បីៗជាច្រើនដូចជា "Pirate of the Caribbean”, “Star Trek” និង "Guardians of the Galaxy” ជាដើម។

ចំពោះបញ្ហានេះ បានកើតឡើងក្នុងរយៈពេលប៉ុន្មានឆ្នាំចុងក្រោយនេះ ដោយសារកំណើននៃភាពយន្តល្បីៗ បែប Superheroes កើនឡើងគួរឲ្យកត់សម្គាល់ ធ្វើឲ្យអ្នកពេញចិត្តហូលីវូដកាលពីមុនមានការអាក់អន់ស្រពន់ចិត្តចំពោះការផ្លាស់ប្ដូរនេះ។

Zoe Saldana នឹងបង្ហាញខ្លួននៅក្នុងភាពយន្តថ្មី Avengers: Infinity Wars នៅថ្ងៃទី ២៧ខែមេសានេះហើយ៕