២ ឆ្នាំមកនេះ មេ Facebook ធ្លាប់ពាក់អាវធំ ៣ ដងគត់

2018-04-12 23:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតចាប់តាំងពីឆ្នាំ ២០១៧ មកទល់ពេលនេះ មានតែ ៣ ដងគត់ ដែលលោក Mark Zuckerberg ស្ថាបនិក Facebook បានប្រើសំលៀកបំពាក់បែបផ្លូវការ ដើម្បីចូលរួមកម្មវិធីធំៗ។

លើកទីមួយគឺកាលពីចុងខែឧសភា ដែលជាពេលស្ថាបនិករូបនេះឡើងថ្លែងសុន្ទរកថា ក្នុងឱកាសទទួលសញ្ញាប័ត្រកិត្តិយសពីសកលវិទ្យាល័យ Harvard។

ចំណែកលើកទី ២ និង ទី ៣ គឺនៅពេលឡើងសវនាការនៅសភាអាមេរិករយៈពេល ២ ថ្ងៃ ដើម្បីស្រាយបំភ្លឺរឿងរ៉ាវទាក់ទងនឹងក្រុមហ៊ុន Cambridge Analytica យកទិន្នន័យអ្នកប្រើ Facebook ទៅប្រើប្រាស់ដោយអសីលធម៌។

កន្លងមកនេះលោក Mark Zuckerberg ក៏បានចូលរួមកម្មវិធីធំៗដទៃទៀតដែរ ប៉ុន្តែបានប្រើសំលៀកបំពាក់សាមញ្ញបំផុត គឺអាវយឺតជាមួយនឹងខោខោវប៊យ ដែលជាស្ទីលប្រចាំត្រកូលរបស់មហាសេដ្ឋីរូបនេះ។ ជាក់ស្ដែងកាលពីអំឡុងចុងខែមីនាកន្លងទៅ លោកបានឡើងនិយាយនៅប៉ុស្តិ៍ទូរទស្សន៍ CNN ដោយប្រើឯកសណ្ឋានសាមញ្ញនេះឯង៕

ចុចអាន៖

អត្ថបទ៖ សុខហេង