ទីបំផុត! The Weeknd បញ្ចេញវីដេអូចម្រៀងបទ "Call Out My Name” ស្ទីលប្លែក

2018-04-13 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបញ្ចេញអាល់ប៊ុមខ្នាតខ្លី ដោយធ្វើឲ្យអ្នកគាំទ្រជាច្រើនភ្ញាក់ផ្អើល "My Dear Melancholy” ពេលនេះ The Weeknd បានបញ្ចេញវីដេអូចម្រៀង "Call Out My Name” ជាផ្លូវការហើយ។

វីដេអូចម្រៀងនេះបានបញ្ចេញកាលពីយប់ថ្ងៃព្រហស្បតិ៍ម្សិលមិញនេះ បន្ទាប់ពីទទួលបានការគាំទ្រជាខ្លាំង ក៏ដូចជាត្រូវបានគេវិភាគយ៉ាងសកម្ម។ អត្ថន័យនៅក្នុងបទនេះ ត្រូវបានគេសង្ស័យថានិពន្ធឡើងដើម្បី Selena Gomez ស្ដាប់និងស្វែងយល់ពីអារម្មណ៍របស់ The Weeknd ដែលមានចំពោះនាង។

ចំណែកឯវីដេអូចម្រៀងវិញ គេសង្កេតឃើញថាមានលក្ខណៈងងឹតនិងពោរពេញទៅដោយ សត្វស្រលាញ់ភាពងងឹតគឺប្រជៀវជាច្រើន មិនត្រឹមតែប៉ុណ្ណោះក៏មានឃើញមនុស្សចម្លែកច្រមុះដូចបក្សីម្នាក់គួរឲ្យខ្លាច។

តោះ! អីចឹងមកមើលវីដេអូចម្រៀងនេះទាំងអស់គ្នា!