“A Quiet Place” ត្រលប់មកជាប់ចំណាត់ថ្នាក់កំពូល Box Office ក្នុងសប្ដាហ៍ថ្មី!
- 2018-04-23 10:40:00
- ចំនួនមតិ 0 | ចំនួនចែករំលែក 0
“A Quiet Place” ត្រលប់មកជាប់ចំណាត់ថ្នាក់កំពូល Box Office ក្នុងសប្ដាហ៍ថ្មី!
ចន្លោះមិនឃើញ
ភាពយន្តបែបរន្ធត់ "A Quiet Place” បានត្រលប់មកកាន់ចំណាត់ថ្នាក់កំពូលវិញក្រោយពីចាញ់ប្រផឹតប្រផើយជាមួយរឿង "Rampage” កាលពីសប្ដាហ៍មុន នៅតារាង Box Office។ ដោយសារតែភាពយន្តខ្នាតយក្ស "Avengers: Infinity Wars” នឹងចាប់ដាក់បញ្ចាំងឆាប់ៗនេះ ដូច្នេះហើយទើបមិនមានភាពយន្តបញ្ចេញច្រើននោះទេ ក្នុងសប្ដាហ៍នេះគឺមានតែរឿង "I Feel Pretty” និង "Super Troopers 2” ជាដើម ដោយទទួលបានការគាំទ្រគួរសម។
កាលពីសប្ដាហ៍មុនភាពយន្ត Rampage ទទួលបានលេខកំពូលដោយរកបានទឹកប្រាក់ ៣៤,៥លានដុល្លារ ប៉ុន្តែសប្ដាហ៍នេះរកបានតែ ២១លានដុល្លារតែប៉ុណ្ណោះ ធ្វើឲ្យចាញ់ភាពយន្ត "A Quiet Place” រកចំណូលបាន ២២លានដុល្លារ។
នេះជាចំណាត់ថ្នាក់ភាពយន្តរកចំណូលបានច្រើនជាងគេ៖
១០. “Isle of Dogs” ប្រាក់ចំណូល ៣,៤លានដុល្លារ
និយាយអំពីដំណើរផ្សងព្រេងរបស់ក្មេងប្រុសជនជាតិជប៉ុនម្នាក់ ស្វែងរកឆ្កែរបស់ខ្លួនដែលបាត់។
៩. “Traffik” ប្រាក់ចំណូល ៣,៩លានដុល្លារ
គូរស្នេហ៍មួយគូចំណាយពេលចុងសប្ដាហ៍ជាមួយគ្នា នៅតាមដងភ្នំដែលប្រមូលផ្ដុំដោយជើងការជិះម៉ូតូជាច្រើន។ អ្នកទាំងពីរនឹងជួបប្រទះនឹងរឿងរ៉ាវគ្រោះថ្នាក់ជាច្រើន នឹកស្មានមិនដល់។
៨. “Black Panther” ប្រាក់ចំណូល ៤,៦លានដុល្លារ
ជាភាពយន្តថ្មីពីផលិតកម្ម Marvel បង្ហាញពីដំណើរសាច់រឿងរបស់ T'Challa ស្ដេចនៃរាជាណាចក្រអាថ៌កំបាំង Wakanda ដែលប្រកបទៅដោយបច្ចេកវិទ្យាទំនើបៗ និងត្រូវប្រឈមមុខនឹងការដណ្ដើមអំណាចនៃជនខាងក្រៅម្នាក់ ដែលកើតមកពីកំហុសរបស់ឪពុក T'Challa។
៧. “Blockers” ប្រាក់ចំណូល ៧លានដុល្លារ
ឪពុកម្ដាយបីគូ ព្យាយាមបញ្ឈប់កូនស្រីខ្លួនកុំឲ្យរួមភេទនៅក្នុងរាត្រី Prom Night។
៦. “Ready Player One” ប្រាក់ចំណូល ៧,៥លានដុល្លារ
នៅពេលដែលកំពូលអ្នកផលិតពិភព VR ហៅថា the OASIS បាត់បង់ជីវិត លោកបានបញ្ចេញវីដេអូមួយដែលចង់ឲ្យអ្នកប្រើប្រាស់ OASIS ទាំងអស់ស្វែងរកវត្ថុមួយឈ្មោះថា Easter Egg ដែលអាចឲ្យអ្នកឈ្នះនោះទទួលបានទ្រព្យសម្បត្តិរបស់លោក។
៥. “Truth or Dare” ប្រាក់ចំណូល ៧,៩លានដុល្លារ
ក្រុមសិស្សមួយក្រុមបានលេងល្បែង Truth or Dare ជាលក្ខណៈធម្មតាៗ ក៏ប៉ុន្តែស្រាប់តែមានរឿងចម្លែកមួយកើតឡើងដែលសម្លាប់អ្នកលេងទាំងនោះម្ដងមួយៗ។
៤. “Super Troopers 2” ប្រាក់ចំណូល ១៤,៧លានដុល្លារ
ជាភាពយន្តកំប្លែងនិយាយអំពីក្រុមប៉ូលិសដែលប្រចាំការនៅ តាមព្រំដែនប្រទេសកាណាដា និងសហរដ្ឋអាមេរិក ខណៈពួកគេមានគម្រោងផលិតប៉ុស្តិ៍ត្រួតពិនិត្យនៅតាមតំបន់នោះ។
៣. “I Feel Pretty” ប្រាក់ចំណូល ១៦,២លានដុល្លារ
នារីម្នាក់ដែលធ្លាប់តែប្រឈមមុខនឹងការយល់ឃើញថាខ្លួនមានសម្រស់មិនស្អាត តែប្រែជាយល់ថាខ្លួនស្អាតទៅវិញទាំងមិនមែនការផ្លាស់ប្ដូរអ្វីទាំងអស់។ អីចឹងតើជីវិតរបស់នាងនឹងទៅជាយ៉ាងណាទៅ?
២. “Rampage” ប្រាក់ចំណូល ២១លានដុល្លារ
គ្រួសារមួយតម្រូវឲ្យរស់នៅដោយស្ងៀមស្ងាត់ ដោយសារតែមានសត្វចម្លែកម្យ៉ាងតាមសម្លាប់មនុស្សតាមរយៈសំឡេង។
១. “A Quiet Place” ប្រាក់ចំណូល ២២លានដុល្លារ
នៅពេលដែលសត្វ៣ប្រភេទបានប៉ះពាល់ជាមួយសារជាតិគីមីមួយប្រភេទ បានធ្វើសត្វទាំងនោះក្លាយជាសត្វសាហាវ និងព្យាយាមបំផ្លាញទីក្រុង Chicago។
បណ្ដា Trailer ភាពយន្តចំណូលថ្មី៖
អានអត្ថបទ៖
Rampage ដណ្ដើមតំណែង A Quiet Place នៅ Box Office យ៉ាងប្រផឹតប្រផើយ
កុនខ្មែរ១រឿងនេះ អ្នកជំនាញពោលសរសើរពីគុណភាព តែបែរជាខ្សត់អ្នកទៅមើល (វីដេអូ)
ភាពយន្ត Bleach ដកស្រង់ចេញពីរឿង Anime បញ្ចេញ Trailer ថ្មីជាផ្លូវការល្អមើលកប់