កាកា និង ឡុង ជិន និយាយអ្វីខ្លះពីគ្នាមុនប្រកួតផ្ដាច់ព្រ័ត្រថ្ងៃសុក្រនេះ
- 2018-04-26 03:11:20
- ចំនួនមតិ 0 | ចំនួនចែករំលែក 0
កាកា និង ឡុង ជិន និយាយអ្វីខ្លះពីគ្នាមុនប្រកួតផ្ដាច់ព្រ័ត្រថ្ងៃសុក្រនេះ
ចន្លោះមិនឃើញ
កីឡាករដែលកំពុងមានការចាប់អារម្មណ៍ខ្លាំង កាកា និង ឡុង ជិន ប្រាប់ពីចំណុចខ្លាំងគ្នាទៅវិញទៅមក មុនការប្រកួតវគ្គផ្ដាច់ព្រ័ត្រខ្សែក្រវាត់គូបូតា នៅយប់ថ្ងៃសុក្រស្អែកឯសង្វៀនបាយ័ន។
កាកា ប្រាប់ថា ឡុង ជិន ជាកីឡាករល្អមួយរូប គេល្អទាត់ គេល្អកែង និងជាពិសេសដើរចូលវ៉ៃរហូត ខណៈកម្លាំងក៏ល្អថែមទៀត កែងដែលប្រើបានល្អកន្លងមកនោះគឺកែងខាងក្នុង ហើយសម្រាប់ការប៉ះគ្នាវគ្គផ្ដាច់ព្រ័ត្រនេះ មិនហ៊ានថាយ៉ាងណាទេ គឺមានតែប្រឹងហ្វឹកហាត់ប៉ុណ្ណោះ។
ចំណែកកីឡាករទើបឡើងថ្វីដៃ ឡុង ជិន វិញក៏ប្រាប់ដែរថា ដៃគូវគ្គផ្ដាច់ព្រ័ត្រខាងលើនេះ រឹងមាំ ពូកែចាប់ ហើយចូលចិត្តវ៉ៃ មួយ ពីរ រួចទាត់កាប់ជើងក្រោម ការជួបគ្នាស្អែកនេះ នឹងខំប្រឹងប្រកួតឲ្យអស់ពីសមត្ថភាព។
វគ្គផ្ដាច់ព្រ័ត្រខ្សែក្រវាត់គូបូតា ទម្ងន់ ៥៧គីឡូក្រាម ឈានដល់វគ្គផ្ដាច់ព្រ័ត្រថ្ងៃសុក្រស្អែកនេះហើយ នៅសង្វៀនបាយ័នស្ទឹងមានជ័យ ក្នុងនោះ កាកា ប៉ះជាមួយ ឡុង ជិន ពួកគេប្រកួតចាប់ពីម៉ោង ៧យប់តទៅ។ ម្ចាស់ខ្សែក្រវាត់ បានទឹកប្រាក់ ៦០០០ដុល្លារ លេខ២ ៣០០០ពាន់ដុល្លារ លេខ៣ ១០០០ដុល្លារ និងលេខ៤ ៥០០ដុល្លារ៕