ប្រញាប់ឡើង សល់ពេលមិនច្រើនទៀតទេចុះឈ្មោះប្រកួត LOL ដ៏ធំនៅអាស៊ាន
- 2018-05-08 08:32:57
- ចំនួនមតិ 0 | ចំនួនចែករំលែក 0
ប្រញាប់ឡើង សល់ពេលមិនច្រើនទៀតទេចុះឈ្មោះប្រកួត LOL ដ៏ធំនៅអាស៊ាន
ចន្លោះមិនឃើញ
ពេលវេលានៃការចុះឈ្មោះចូលរួមប្រកួតជើងឯកកីឡាអេឡិចត្រូនិកលើវិញ្ញាសា League Of Legends ដ៏ធំប្រចាំតំបន់អាស៊ានសម្រាប់កម្ពុជានៅសល់៤ថ្ងៃទៀតប៉ុណ្ណោះ ដូច្នេះឆាប់រុះរាន់ឡើងដើម្បីប្រជែងយកកៅអីឆ្ពោះទៅប្រកួតនៅប្រទេសសិង្ហបុរី។
សហព័ន្ធកីឡាអេឡិចត្រូនិកកម្ពុជាដែលបានសហការរៀបចំជាមួយភាគីនៅប្រទេសសិង្ហបុរីបានប្រាប់ថា រហូតដល់ពេលនេះទទួលបានការចុះឈ្មោះពីក្រុមនៅកម្ពុជាមួយចំនួនហើយ ប៉ុន្តែនៅតែបន្តទទួលយកការចុះឈ្មោះរហូតដល់ថ្ងៃផុតកំណត់។ ថ្ងៃផុតកំណត់នៃការទទួលចុះឈ្មោះចូលរួមប្រកួតគឺថ្ងៃទី១១ ខែឧសភា ខាងមុខនេះ ដូច្នេះប្រញាប់ឡើយ ដើម្បីកុំឲ្យឱកាសដ៏ល្អនេះកន្លងហួស។
ការប្រកួតជើងឯក E-Sport លើប្រភេទវិញ្ញាសា LOL នេះធ្វើឡើងដំណាក់កាលទី១នៅប្រទេសចំនួន១០ក្នុងតំបន់អាស៊ានដើម្បីស្វែងរកក្រុមខ្លាំងៗតំណាងឲ្យប្រទេសទាំងនោះឆ្ពោះទៅប្រកួតជុំផ្តាច់ព្រ័ត្រនៅប្រទេសសិង្ហបុរីដែលជាព្រឹត្តិការណ៍ធំលើកដំបូងគាំទ្រ និងរៀបចំដោយក្រសួងវប្បធម៌ សហគមន៍ និងយុវជនរបស់ប្រទេសសិង្ហបុរី។ បន្ទាប់មកដំណាក់កាលទី២២ប្រកួតជុំផ្តាច់ព្រ័ត្រនៅប្រទេសសិង្ហបុរីដែលប្រជុំដោយក្រុមខ្លាំងៗតំណាងប្រទេស១០ប្រចាំតំបន់អាស៊ាន។ ប្រទេសដែលចូលរួមមាន ថៃ វៀតណាម សិង្ហបុរី ម៉ាឡេស៊ី ឥណ្ឌូណេស៊ី ហ្វីលីពីន កម្ពុជា ឡាវ មីយ៉ាន់ម៉ា និងប្រ៊ុយណេ ។
កាលបរិច្ឆេទប្រកួតជម្រុះក្នុងប្រទេសនៅកម្ពុជា
កាលបរិច្ឆេទប្រកួតជុំផ្តាច់ព្រ័ត្រនៅសិង្ហបុរី
អត្ថប្រយោជន៍ទទួលបានពីព្រឹត្តិការណ៍នេះ សូមចូល ៖ LOL Garena Singapore Server
ព្រឹត្តិការណ៍ LOL E-Sports ដ៏ធំលើកដំបូងនៅអាស៊ាននេះទទួលបានការគាំទ្រពីក្រសួងវប្បធម៌ សហគមន៍ និងយុវជនរបស់ប្រទេសសិង្ហបុរី និងមានការឧបត្ថម្ភគាំទ្រពីក្រុមហ៊ុនឯកជនជាច្រើន។ ជាមួយគ្នាសហព័ន្ធកីឡាអេឡិចត្រូនិកកម្ពុជាក៏បានសហការដើម្បីរៀបចំការប្រកួតជម្រុះនៅកម្ពុជាដើម្បីស្វែងរកក្រុមតំណាងកម្ពុជាទៅចូលរួមប្រកួត។
រាល់ការប្រកួតត្រូវធ្វើឡើងនៅលើ LOL Garena Singapore Server ទំាងអស់គ្នា ៕