ហ្គេម PUBG Mobile ចេញកំណែថ្មី 0.5.0 ដឹងអត់មានអ្វីប្លែកខ្លះ?
- 2018-05-16 12:15:00
- ចំនួនមតិ 0 | ចំនួនចែករំលែក 0
ហ្គេម PUBG Mobile ចេញកំណែថ្មី 0.5.0 ដឹងអត់មានអ្វីប្លែកខ្លះ?
ចន្លោះមិនឃើញ
ហ្គេមបាញ់ប្រហារបែប Battle Royale ដែលកំពុងទទួលការពេញនិយមពីសំណាក់អ្នកប្រើប្រាស់ស្មាតហ្វូនឲ្យឈ្មោះ PUBG Mobile ក្នុងថ្ងៃអង្គារ៍នេះបានទទួលនូវកំណែ Update ថ្មីជំនាន់ 0.5.0 ទាំងលើប្រព័ន្ធ iOS និង Android។ ចំណុចពិសេសអនុញ្ញាតឲ្យអ្នកលេងសាកល្បងផែនទីថ្មី Miramar (ដូចមានលើកុំព្យូទ័រ) មកក្នុងជំនាន់ទូរសព្ទ បន្ថែមមុខងារពិសេសជាច្រើន។
មានការបន្ថែមនូវប្រភេទអាវុធនិងរថយន្តថ្មី ក្នុងរដូវកាល Season 2 ហើយរាល់អ្នកលេងដែលបានឡើងកម្រិតថ្នាក់ (Tier) នឹងទទួលបានរង្វាន់មានដូចជា items សម្រាប់តុបតែងខ្លួន។ ការបំពេញបេសកកម្ម Progress Missions ជារឿងថ្មីមួយផ្សេងទៀត ផ្តល់ឲ្យអ្នកលេងអាចបើករង្វាន់រៀងរាល់ការបញ្ចប់ភារកិច្ចណាមួយ។
Secret Stash ជាមុខងារថ្មីដែលអ្នកអាចរកទិញ item បានឆាប់រហ័សជាមួយប្រភេទបញ្ចុះតម្លៃសុទ្ធសាធ។ ឯ Local Quick Teams កាន់តែវិសេសវិសាលចំពោះអ្នកចូលចិត្តចាប់គូចូលលេង ដោយអ្នកអាចបង្កើតវគ្គមួយ ដែលទាមទារឲ្យមិត្តភ័ក្ដិឯទៀតត្រូវបញ្ចូលកូដសម្ងាត់ ៦ ខ្ទង់ ដើម្បីចូលមកលេងរួមគ្នា។
ក្នុងប្រអប់ Chat អ្នកលេងអាចកំណត់ជម្រើសភាសាទៅតាមចិត្ត បន្ថែមការទំនាក់ទំនងជាមួយមនុស្សជុំវិញខ្លួនកាន់តែរីករាយនិងមានភាពងាយស្រួល។ ក្នុងកំណែ 0.5.0 ក៏ពង្រឹងនូវសមត្ថភាពដំណើរការអ្នកចូលទស្សនា Spectator ឲ្យមានសភាពរលូនជាងមុន បន្សំផ្នែកកាមេរ៉ា និងសំឡេង (Sound Effect) ថ្មីមួយចំនួនផងដែរ។
Welcome to #PUBGMOBILE050.
— PUBG MOBILE (@PUBGMOBILE) May 15, 2018
✔️ Miramar Map
✔️ Season 2
✔️ Progress Missions
✔️ Secret Stash
✔️ Local Quick Teams
✔️ Region System!
Have fun. pic.twitter.com/yllpxezva7
បញ្ជាក់ថាហ្គេម PUBG Mobile បានទទួលអ្នកលេងលើ iOS ប្រមាណ** ២២ លាននាក់** អំឡុងពេលបើកឲ្យលេងដំបូង ហើយប្រភពពី SuperData ក៏សង្កត់ធ្ងន់ថាអ្នកលេងក្រៅប្រទេសចិនបានចំណាយអស់ជាង ៧០០ ០០០ ដុល្លារក្នុងមួយសប្តាហ៍ដំបូង ពោលគឺចំណូលភាគច្រើនមាន ៤៨ ភាគរយមកពីសហរដ្ឋអាមេរិក និង ៧ ភាគរយចេញពីប្រទេសថៃ។
ប្រភព: https://www.reddit.com/r/PUBGMobile/comments/8jjuek/official_patch_notes_for_050/
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ក្រុមហ៊ុនបច្ចេកវិទ្យាទាំង ២៦ មានតម្លៃថ្លៃកប់ពពកមាន ២ នៅអាស៊ាន
មកស្គាល់មហាសេដ្ឋីបច្ចេកវិទ្យាទាំង ១៩ រូប ប្រចាំឆ្នាំ ២០១៨