តែម ម៉ឺន៖ រឿង សុខ រិទ្ធ មិនអស់ចិត្តអាចដាក់ពាក្យតវ៉ាបាន លោកនឹងពិនិត្យដោះស្រាយតាមសំណើ

2018-06-04 10:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានសហព័ន្ធប្រដាល់គុនខ្មែរ ឯកឧត្តម តែម ម៉ឺន ថា ក្នុងករណីប្រកួតផ្ដាច់ព្រ័ត្រថ្ងៃនេះ ដូចជាការប៉ះគ្នារវាងកីឡាករ សុខ រិទ្ធ និង ហ៊ឹម សេរី ឬអ្នកប្រដាល់ផ្សេងៗទៀត ដែលមិនអស់ចិត្តទៅនិងការកាត់សេចក្ដីរបស់អាជ្ញាកណ្ដាល ចៅក្រម អាចដាក់ពាក្យស្នើសុំតវ៉ាបាន។

ឯកឧត្តម តែម ម៉ឺន

ឯកឧត្តមបន្ថែមថា ធម្មតាទេសហព័ន្ធមានច្បាប់ ដូច្នេះ បើមិនពេញចិត្តដូចអ្វីដែលលោកបានលើកឡើងខាងលើ ដាក់ពាក្យមក លោកនឹងដោះស្រាយតាមច្បាប់ ពិនិត្យឡើងវិញ ថាវាយ៉ាងណា មកពីបុគ្គល ឬកំហុសឆ្គងជាក្រុម ហើយក៏មិនអាចចេះតែដោះស្រាយតាមក្រៅច្បាប់បានឡើយ។

សុខ រិទ្ធ និង ហ៊ឹម សេរី ព្រឹកមិញ

រំលឹកដែរថា ការប្រកួតវគ្គផ្ដាច់ព្រ័ត្រកាលពីព្រឹកមិញនៅឯពហុកីឡដ្ឋានមរតកតេជោ លើប្រភេទទម្ងន់ ៥១គីឡូក្រាម នោះ គឺ ហ៊ឹម សេរី ឈ្នះដោយពិន្ទុទទួលបានមេដាយមាស ខណៈ សុខ រិទ្ធិ បានលេខ២ ទទួលបានមេដាយប្រាក់ លើប្រភេទកីឡាគុនខ្មែរនាព្រឹត្តិការណ៍កីឡាជាតិលើកទី២នេះ៕