លទ្ធផល KRE League សប្ដាហ៍ទី៩ ខណៈ Khmer United ស៊ុតដៃគូចាស់ដៃ
- 2018-06-18 04:59:33
- ចំនួនមតិ 0 | ចំនួនចែករំលែក 0
លទ្ធផល KRE League សប្ដាហ៍ទី៩ ខណៈ Khmer United ស៊ុតដៃគូចាស់ដៃ
ចន្លោះមិនឃើញ
ការប្រកួតពានរង្វាន់មិនអាជីព Khmer Real Estate League 2018 បានបញ្ចប់សប្តាហ៍ទី៩ហើយដោយក្រុម Khmer United ដែលជាក្រុមរបស់ស្ថាបនិកពានរង្វាន់មួយនេះបានលត់ក្រុម Giant FC យ៉ាងចាស់ដៃតែម្តងរហូតដល់ ៧-២។
តាមរយៈលទ្ធផល ៧-២ នេះ ក្រុមរបស់លោកបណ្ឌិត គឹម ហ៊ាង នៅតែរក្សាកំណត់ត្រាមិនស្គាល់ពាក្យបរាជ័យ បន្ទាប់ពីឈ្នះទាំង៩ប្រកួតដោយមាន២៧ពិន្ទុពេញពោលគឺគ្មានការប្រកួតមួយណាដែលធ្វើឲ្យ Khmer United បាត់បង់ពិន្ទុឡើយ។ អ្វីដែលគួរឲ្យចាប់អារម្មណ៍នោះ លោកម្ចាស់ក្រុមបានចូលលេងក្នុងការប្រកួតនេះ បើទោះជាវ័យរបស់លោកកាន់តែជ្រេហើយក្តី។
Khmer United នៅបន្តឈរលើកំពូលតារាង ខណៈក្រុមឈរលេខ២ Blue Dragon មាន២១ពិន្ទុនោះបានភ្លាត់ចាញ់ដែលធ្វើឲ្យការដេញតាមពីក្រោយកាន់តែឆ្ងាយ។ ចំណែកក្រុមលេខ៣ Avatar មាន២១ពិន្ទុដែរនោះក៏បានស្មើថែមទៀតសប្តាហ៍នេះ ប៉ុន្តែក្រុមលេខ៤ដែលមាន២១ពិន្ទុបានហក់ឡើងទៅឈរលេខ២ដោយមាន២៤ពិន្ទុ បន្ទាប់ពីឈ្នះសប្តាហ៍ទី៩នេះ។
ដូច្នេះមានន័យថា គម្លាតពិន្ទុរវាងក្រុមកំពូលតារាង Khmer United និងក្រុមលេខ២ Avatar សុខគ្នាតែ៣ពិន្ទុប៉ុណ្ណោះគិតត្រឹមសប្តាហ៍ទី៩នេះ។ ប្រសិនបើក្រុមរបស់ស្ថាបនិកពានមួយនេះនៅតែរក្សាលទ្ធផលល្អបែបនេះរហូតដល់ចប់ការប្រកួតនឹងក្លាយជាជើងឯកលើកដំបូង ពីព្រោះរដូវកាលនេះមិនមានការប្រកួតជើងទី២ ឬវគ្គខ្វែងឡើយដោយក្រុមទាំង២០ជួបគ្នាម្តងម្នាក់ចប់តែម្តង។
សកម្មភាពប្រកួត
លទ្ធផលសប្តាហ៍ទី៩
RFL ៥-០ កូនខ្មែរ
Mambo PP ២-១ យុវជនស្នោរ
Avatar ២-២ បាសាក់
ទន្សោងអែហ្វស៊ី ៤-១ V.Train
Bayon Wanderers ៤-០ Blue Dragon
Khmer United ៧-២ Giant
Anvaya ២-២ អាណាចក្រទួលគោក
យុវជនខេត្តកំពង់ចាម ៥-៤ HHK
យុវជនច្បាប់ ៥-២ តាំងគោក
Reil PP Vs យុវជនវត្តកោះ លើកការប្រកួតទៅថ្ងៃក្រោយ