១០ ចំណុចជួយដល់ការថតរូបផ្ដិតបានភ្លាមៗ ឲ្យកាន់តែស្រស់ស្អាត

2018-07-08 04:34:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កាមេរ៉ាប្រភេទ Instant កំពុងមានភាពពេញនិយម ជាកាមេរ៉ា អាចថតបាន និងផ្ដិតឃើញរូបភាពភ្លាមៗ។ តែ ត្រូវការបច្ចេកទេសខ្លះ ពេលប្រើកាមេរ៉ា Instax ឬ Polaroid។

១ រក្សាចម្ងាយ ដើម្បីជៀសវាងថត Selfie ខុស កាមេរ៉ាប្រភេទ Instant ភាគច្រើនមានចម្ងាយ Focus តិចបំផុតនៅចម្ងាយ ៣០សង់ទីម៉ែត្រ ឬ ៦០សង់ទីម៉ែត្រ គិតទៅអាចស្មើប្រវែងដៃកាន់កាមេរ៉ាថត។

បើឃើញថារូបភាពចេញមកព្រាល នេះប្រហែលមិនមែនមកពីកាមេរ៉ារង្គើ ឬខ្វះពន្លឺនោះទេ តែដោយសារ Lens នៅកៀកនឹង Subject ពេក។ ដូច្នេះ ពេលប្រើកាមេរ៉ា គួរគិតគូរពីចម្ងាយ។

២ ជៀសវាង Subject តូចពេកនៅក្នុង Frame ប្រព័ន្ធផ្ដិតរបស់កាមេរ៉ាប្រភេទ Instant ភាគច្រើន មានទំហំប៉ុន Credit Card ហើយបើ Subject តូចពេកក្នុងប្លង់ នឹងពិបាកមើលណាស់។

ពេលថតគួរចូលកៀកនឹង Subject គ្រប់គ្រាន់ ល្មមមើលទៅសមរម្យ។

៣ កុំឲ្យម្រាមដៃចូលប្លង់ថត ឬបាំង Flash កាមេរ៉ាមានភាពខ្វះខាត ត្រង់ចំណុចក្ដោបកាន់ថត មិនមានកន្លែងទំនេរច្រើន អាចដាក់ម្រាមដៃនោះទេ ដូច្នេះគួរដឹងជាមុន ដើម្បីជៀសវាង។ ដូចគ្នានេះដែរ ប្រយ័ត្នប្រយែងម្រាមដៃបាំង Flash។

មិនមានអេក្រង់ LCD ងាយមើលដឹងបានស្រួលនោះទេ ក្រៅពី Viewfinder តូចមួយ។ ដូចនេះ គួរពិនិត្យឧបសគ្គនានានៅខាងមុខ។

៤ ប្រើពន្លឺធម្មជាតិតាមដែលអាចធ្វើទៅបាន កាមេរ៉ានឹងព្យាយាមប្រើ Flash រាល់ពេល តែនឹងធ្វើឲ្យលទ្ធផលខកបំណង។ ចំណុចល្អអាចធ្វើបាន គួរបិទ Flash មិនឲ្យដំណើរការ និងប្រើត្រឹមពន្លឺធម្មជាតិ ទាំងពេលថតក្នុងបន្ទប់ ឬក្រៅផ្ទះ ដោយស្វែងរកទីតាំងមានពន្លឺច្រើនបំផុតតាមដែលអាចមាន។

៥ ព្យាយាមតម្រង់ Subject ពីមុំផ្សេង បើមិនចង់ខ្ជះខ្ជាយលើទឹកថ្នាំផ្ដិត គួរពិចារណារបៀបដែល Subject បង្ហាញនៅមុំផ្សេងពីនេះ អាចថាប្រើរូបារម្មណ៍ច្រើន។ ដោយអាចបន្ទន់ជង្គង់បន្តិច ឬឈរលើកៅអី ព្រោះការឈរចុចថតទល់មុខនឹង Subject មិនតែងតែមានលទ្ធផលគាប់ប្រសើរនោះទេ។

៦ Subject ដ៏ល្អសម្រាប់ថតរូបប្រភេទ Instant ការថតរូប Subject នៅជិតៗ ផ្ដល់ផលល្អ ដោយសារទំហំផ្ដិតដ៏តូចចេញមកល្អ។ ក៏អាចប្ដូរមកថតទេសភាពបានដែរ តែប្រហែលត្រូវប្រើជម្រើសផ្ដិតធំជាងនេះ បើខ្វល់ខ្វាយពីភាពលម្អិត មើលឃើញ។

៧ ឲ្យ Subject លេចធ្លោ ផ្ទៃខាងក្រោយទទេពណ៌ស ឬពណ៌ភ្លឺៗផ្សេងទៀត ជាជម្រើសល្អសម្រាប់ថតរូប Portrait។ យ៉ាងណាមិញ អាចបន្ថែមទិដ្ឋភាពនានាបាន គ្រាន់តែធ្វើយ៉ាងណាកុំឲ្យ Subject បាត់ការចាប់អារម្មណ៍។

ឧទាហរណ៍ បើផ្ទៃខាងក្រោយភ្លឺ មនុស្សស្ថិតនៅទីងងឹត ខណៈ បើផ្ទៃខាងក្រោយមានទិដ្ឋភាពនានាស្មុគស្មាញ មនុស្សនៅទីភ្លឺ។

ការរៀបចំ យ៉ាងណាឲ្យ Subject លេចធ្លោ ដែលប្រហែលត្រូវប្រើ Flash ពេលថត Subject នៅខាងក្រៅ បើមិនចឹងទេ រូបភាពនឹងទៅជាងងឹត (Silhouette)។

៨ សាកល្បង Double Exposure កាមេរ៉ាប្រភេទ Instant មានជម្រើសល្អមួយហៅថា Double Exposure ដែលអាចថតរូបទីមួយ រួចរំកិលកាមេរ៉ាថតរូបទីពីរ ក្រោយមកផ្ដិតជារូបមួយ បានពីការបន្សំរូបទាំងពីរ។ នេះត្រូវការសាកល្បងច្រើនដងដែរ ដើម្បីផលិតចេញបានល្អជាមួយរូបភាពមានលក្ខណៈច្នៃប្រឌិត។

៩ សាកថត ដោយមិនដឹងខ្លួន តម្រង់កាមេរ៉ាផ្ទាល់ចំមុខ Subject ទិដ្ឋភាពផ្ដិតមកមិនតែងតែទទួលបានលទ្ធផលល្អនោះទេ ព្រោះភាគច្រើន តួថតខ្លះរៀបរឹកពេក បង្ហាញមករឹងៗ មើលទៅមិនដូចធម្មជាតិ។

អាចសាកល្បងថតរូប ដោយមិនដឹងខ្លួន អាចជួយបង្កើនការចាប់អារម្មណ៍លើទិដ្ឋភាព តាមរយៈសកម្មភាពបង្ហាញមកបានល្អ។

១០ ចែករំលែករូបថតផ្ដិតបាន អាចផ្ដល់រូបថតផ្ដិតបានទៅកាន់ Subject ភ្លាមៗ ដើម្បីបង្ហាញលទ្ធផលសម្រេចបាន អាចបន្ថែមបរិយាកាសដ៏ចាប់អារម្មណ៍ ជាពិសេសពេលនៅពិធីជប់លៀង៕