អាយុជិត៤០ឆ្នាំ សរ សី ប្រឹងឡើងសង្វៀនដើម្បីគ្រួសារ (វីដេអូ)

2018-07-26 04:44:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែជីវភាពក្រីក្រលំបាក រួមផ្សំទៅនិងតម្លៃខ្លួនឡើងសង្វៀនបានខ្ទង់ពាន់ដុល្លារផងនោះ ទើបបង្ខំឲ្យអ្នកលេងគុនខ្មែរ សរ សី បន្តឡើងប្រកួតទាំងវ័យជិត ៤០ឆ្នាំ ទៅហើយនាពេលបច្ចុប្បន្ននេះ។

កីឡាករ សរ សី

សរ សី បានឲ្យដឹងថា បច្ចុប្បន្ននេះមានអាយុប្រហែល ៣៦-៣៧ឆ្នាំហើយ ប៉ុន្តែមិនទាន់គិតថានឹងបោះបង់សង្វៀនប្រដាល់នៅឡើយទេ អាចថារយៈពេល ៣ ទៅ ៤ឆ្នាំទៀតទើបសម្រាកពីអាជីពឈឺខ្លួនមួយនេះ។

អ្នកលេងគុនខ្មែរចាស់វស្សាខាងលើបន្តថា ឥលូវនេះជីវភាពក្រុមគ្រួសារមានការលំបាកខ្លាំង ក្រុមគ្រួសារទាំងមូលត្រូវពឹងលើរូបលោកដើម្បីរកចំណូល ដូច្នេះវ័យច្រើនក៏ដោយនៅតែឡើងសង្វៀនប្រកួតដដែល។ ណាមួយបច្ចុប្បន្នការឡើងសង្វៀនម្ដងៗបានតម្លៃខ្លួនច្រើនសម្រាប់រូបលោកជាអ្នកក្រ ហើយការឡើងប្រកួតនេះក៏បានជួយជីវភាពគ្រួសារបានច្រើន។

កីឡាករ សរ សី កំពុងហាត់

ជើងខ្លាំងរូបនេះលើកឡើងចុងក្រោយថា មានតែការគាំទ្រលើកទឹកចិត្តនោះទេ ដែលជំរុញឲ្យកីឡាករគ្រប់រូបមានទឹកចិត្តពុះពារខ្លាំងក្លាបន្ថែមទៀតក្នុងការប្រកួតយកឈ្នះដៃគូ។ សូមកុំស្ដីបន្ទោសនៅពេលកីឡាករចាញ់ ព្រោះវាធ្វើឲ្យពួកលោកបាក់ទឹកចិត្ត លែងមានកម្លាំងតទៅមុខទៀត។ លោកក៏មានវ័យច្រើនដែរហើយ សម្រាប់ការប្រកួតនេះសង្ឃឹមត្រឹម ៥០% ប៉ុន្តែប្ដេជ្ញាធ្វើឲ្យបានល្អបំផុតនាការប្រកួតមួយនេះ។

កីឡាករ សរ សី នៅក្លឹប CTT

កីឡាករ សរ សី ចាក់ចេញពីកម្ពុជាជាមួយលោកគ្រូ ហ៊ុន ច័ន្ទរាជ្យ តាំងពីថ្ងៃទី២៣ មកម្ល៉េះ ដើម្បីត្រៀមខ្លួនឡើងប្រកួតមិត្តភាពអន្តរជាតិនៅឯប្រទេសហ្វីលីពីន នាថ្ងៃទី២៧ ខែកក្កដា ឆ្នាំ២០១៨ ជាមួយអ្នកប្រដាល់ចិន Xie Bin៕

អត្ថបទ៖ នួន ស៊ីណា