Water Resistant មុខងារការពារទឹកលើទូរសព្ទសម័យថ្មី តែប្រើមិនស្រួលអាចស៊យធំ

2018-08-22 03:44:27
ចំនួនមតិ 0 | ចំនួនចែករំលែក 0

ចន្លោះមិនឃើញ

Water Resistant បានក្លាយជាមុខងារសំខាន់មួយ ស្ទើរតែចាំបាច់ត្រូវមាន លើទូរសព្ទជំនាន់ក្រោយៗ ក្នុងការផ្តល់វិធីការពារ ការធ្លាក់ចូលទឹកដោយចៃដន្យ ដែលជាតម្រូវការរបស់អ្នកប្រើប្រាស់ទូទៅ។

ឧបករណ៍មាន Water Resistant មានស្រទាប់ការពារសៀគ្វីសមាសធាតុខាងក្នុង ហើយបើស្រទាប់នោះបាត់បង់គុណភាព Device នឹងមិនមាន Water Resistant ទៀតទេ។ ការធ្លាក់ចូលទឹកសាប មួយផ្លេត មិនជាបញ្ហានោះទេ តែបើប៉ះនឹងសារធាតុរាវផ្សេងទៀត ដូចជា ទឹកប្រៃ ឬទឹកសមុទ្រ កាហ្វេ ទឹកក្រូច ឬស្រាបៀ មិនផ្តល់ផលល្អ ដល់គុណភាពស្រទាប់ការពារនោះឡើយ។ សំពាធទឹក ក្នុងទឹកជ្រៅក៏មិនផ្តល់ផលល្អ ចំពោះស្មាតហ្វូនទេផងដែរ។

ស្រទាប់ការពារ ដែលបញ្ជាក់ដោយកម្រិត IP អាចនឹងរក្សាគុណភាពបានយូរអង្វែង បើមានការថែទាំបានល្អ៖

ប្រាកដថា បានបិទសន្ទះរាល់រន្ធ រួមមាន រន្ធដាក់ SIM និង microSD ក៏ដូចជា រន្ធ USB ផងដែរ។
សម្អាតទូរសព្ទជាមួយទឹកស្អាត ក្រោយភ្ជាប់នឹងខ្លួនប្រើចូលអាងហែលទឹក ដើម្បីប្រាកដថាសារជាតិក្លរីនក្នុងទឹក ត្រូវបានសម្អាត ប៉ុន្តែកុំប្រើសាប៊ូ ឬសារធាតុគីមីផ្សេង។
ជៀសវាង ទឹកប្រៃ ឬទីតាំងមានកម្រិតកម្តៅខ្លាំង។
សម្ងួត Device ឲ្យបានល្អ មុនពេលឲ្យ Device ផ្សេងភ្ជាប់តាមរន្ធ USB និងរន្ធកាស។ អាចប្រើក្រណាត់ទន់ៗ ជូតសម្ងួតបន្ថែមបាន។
ជៀសវាង សីតុណ្ហភាពក្តៅ ដាក់សន្តិលតាមសម្រួល ដោយប្រើត្រឹមក្រណាត់ជូត កុំប្រើប្រដាប់ផ្លុំសក់ជំនួយ។
សម្អាតធាតុកខ្វក់ សក់ ឬធាតុតូចៗដទៃទៀត ទុំលើសម្បក ឬរន្ធទូរសព្ទ។ ការភ្ជាប់អ្វីមួយចូលទៅកាន់ Port ដែលកខ្វក់ អាចបំផ្លាញដល់ Connector បាន៕