លើសពីប្រើអ៊ីនធឺណិតហ្វ្រី គ្រប់គ្នាទៅហាងកាហ្វេមានហេតុផលច្រើនទៀត

2018-08-24 04:52:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងកាហ្វេ មានការកើនឡើង ជាបន្តបន្ទាប់ ទាំងខ្នាតមធ្យម និងធំ។ ទាំងនេះ ដោយសារមានចំណុចល្អៗច្រើន ទាក់ទងនឹងការរៀបចំទីកន្លែងបែបទាន់សម័យ ហើយក៏ជាកន្លែងជ្រកភ្លៀង ឬជាទីប្រជុំជននៃសិស្សានុសិស្ស ឬបុគ្គលិកជួបពិភាក្សាគ្នាផងដែរ។

#ចុះហេតុអ្វីបានជាគ្រប់គ្នាភាគច្រើន (លើសពីការទិញ) ចូលចិត្តជ្រកតាមហាងកាហ្វេ ខណៈកន្លែងល្អផ្សេងៗទៀតក៏មាន ដូចជាបណ្ណាល័យជាដើម។

មានកន្លែងអង្គុយ តុសមរម្យ រួមទាំង អគ្គិសនី និងអ៊ីនធឺណិតប្រើឥតគិតថ្លៃ។
ទីកន្លែងស្ងប់ស្ងាត់ មិនសូវមានសំឡេងរំខាន ក្រៅពីការពិភាក្សាបែបសាមញ្ញ (មិនហោកញ្ជ្រៀវ) និងសំឡេងតន្ត្រីតិចៗ។
អាចជ្រើសរើសកន្លែងអង្គុយទាំងក្នុង និងក្រៅបរិវេណហាង។
មានម៉ាស៊ីនត្រជាក់ ប្រកបដោយផាសុកភាព និងពន្លឺស្រទំល្មម។
មានភេសជ្ជៈ នំ ងាយស្រួល ពេលអស់កម្លាំង ទិញទទួលទានបានភ្លាមៗ។

ប៉ុន្មានចំណុចនេះ អាចទាក់ទាញសិស្សានុសិស្ស មានអារម្មណ៍ផាសុកភាព ហើយអាចធ្វើកិច្ចការសាលា ឬបន្តធ្វើគម្រោងនានា (បុគ្គលិក)។

ប៉ុន្តែ មិនមែនគ្រប់គ្នានោះទេ អ្នកខ្លះអាចនឹងមិនចូលចិត្តសំឡេងរំខានពីតន្ត្រី និងការពិភាក្សា ព្រោះពិបាកនឹងផ្ដោតអារម្មណ៍លើការងារ បានត្រឹមតិចតួចប៉ុណ្ណោះ។ ត្បិតមិនមែនជាទីតាំងល្អបំផុតសម្រាប់សិក្សា តែជាទីកន្លែងល្អបំផុត ជួបជជែកគ្នាជាមួយមិត្តភក្តិ លំហែអារម្មណ៍ ហើយក៏អាចបំពេញការងារបានខ្លះផងដែរ៕