លេងរាល់ថ្ងៃ ដឹង PUBG ផលិតនៅប្រទេសណាអត់?

2018-09-05 08:40:10
ចំនួនមតិ 0 | ចំនួនចែករំលែក 0

ចន្លោះមិនឃើញ

Playerunknown’s Battlegrounds ហៅកាត់ថា PUBG កំពុងក្លាយជាហ្គេមពេញនិយមមួយក្នុងប្រទេសកម្ពុជា និងប្រទេសដទៃទៀតជាច្រើន។ អ្នកលេងហ្គេម PUBG រាល់ថ្ងៃ បែបមានអ្នកខ្លះប្រហែលមិនបានដឹងទេថា ហ្គេមនេះផលិតនៅប្រទេសណានោះទេ។

PUBG ផលិតឡើងដោយក្រុមហ៊ុន PUBG Corporation ដែលជាក្រុមហ៊ុនសាខាមួយរបស់ក្រុមហ៊ុន Bluehole នៃប្រទេសកូរ៉េខាងត្បូង។ បុគ្គលសំខាន់ពីររូបដែលជាអ្នកផ្ដួចផ្ដើមគំនិតបង្កើតហ្គេម PUBG គឺ Chang Han Kim សញ្ជាតិកូរ៉េខាងត្បូង មានតួនាទីជាប្រធានផ្នែកផលិតនៃហ្គេម និង Brendan Greene សញ្ជាតិអៀរឡង់ ជាមេផ្នែកឌីហ្សាញ។

Chang Han Kim ខាងឆ្វេង និង Brendan Greene ខាងស្ដាំ

ការផលិតហ្គេម PUBG បានចាប់ផ្ដើមនៅឆ្នាំ ២០១៦ និងប្រកាសដំណឹងជាផ្លូវការក្នុងខែមិថុនា ជាមួយផែនការថាផលិតឲ្យបានរួចរាល់នៅក្នុងរយៈពេល ១ ឆ្នាំ។ ចាប់ផ្ដើមដំបូង Bluehole បានផ្ដល់ជូននូវ Developer ចំនួន ៣៥ នាក់ដើម្បីជួយផ្គត់ផ្គង់ដល់ការបង្កើតហ្គេម PUBG ប៉ុន្តែបានបង្កើនដល់ ៧០ នាក់ នៅខែមិថុនា ឆ្នាំ ២០១៧។

គិតត្រឹមខែមិថុនាឆ្នាំ ២០១៨ នេះចំនួនអ្នកលេងហ្គេម PUBG ជាប្រចាំថ្ងៃលើគ្រប់បណ្ដាញទាំងអស់មានជាង ៨៧ លាននាក់ និងមានអ្នកលេងសរុបជិត ៤០០ លាននាក់។ ដោយឡែកហ្គេម PUBG ដែលឲ្យដាក់ដំឡើងលើទូរសព្ទមានអ្នកទាញយកជាង ១០០ លានដង គិតត្រឹមខែសីហា៕

ប្រភព៖ Wikipedia | VentureBeat ប្រែសម្រួល៖ សុខហេង