ម្ចាស់បទ «អ្នកថ្មី» មានប្រវត្តិពីអ្នករាំ តស៊ូក្នុងសិល្បៈ ៨ឆ្នាំមកហើយ

2018-09-24 10:26:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បទ «អ្នកថ្មី» ដែលក្លាយជាបទចម្រៀងពេញនិយមមានអ្នកយកមកច្រៀងត ឬ Cover ជាច្រើន ហើយក៏មានការគាំទ្រខ្លាំងតែម្ចាស់បទផលិតបទនេះជាង ២ឆ្នាំមកហើយ នេះបើតាមការរៀបរាប់របស់តារាចម្រៀងតំណាងក្រុម De5nite សុវណ្ណ ដ្ឋី។

សុវណ្ណ ដ្ឋី ថតនៅ Studio Sabay

ក្រោយពីបទ «អ្នកថ្មី» របស់លោក មានការទទួលស្គាល់ខ្លាំង រហូតមានអ្នកទស្សនារាប់លានដងក្នុង Channel Youtube របស់អ្នកយកទៅ cover ជាច្រើននាក់។ បច្ចុប្បន្នតារាចម្រៀងវ័យ ដ្ឋី កំពុងថតចម្រៀងសម្រាប់ផលិតកម្មក្នុងស្រុកមួយ និងឈានចូលក្នុងការសម្ដែងភាពយន្តថែមទៀតផង។

បទថ្មីៗ ដែលជាស្នាដៃរបស់យុវជនរូបនេះមាន បទ «មិនមែនជារឿងដែលលេងសើច » បទ «សំពត់ឆែក» និងបានសម្ដែងជាតួឯកក្នុងបទចម្រៀងថ្មី ចំណងជើងថា «ឧបសគ្គស្នេហ៍» ជាមួយតារាចម្រៀងល្បី កញ្ញា ស៊ីរិកា មានអ្នកទស្សនាច្រើនជាង ១លានដង។

សុវណ្ណ ដ្ឋី

ដោយសាររូបសម្បត្តិ និងសមត្ថភាពសម្ដែង ពិសេសទេពកោសល្យនៃការបញ្ចេញសំឡេងចម្រៀងបានធ្វើឱ្យ ប្រុសស្អាតសុវណ្ណ ដ្ឋី ចាប់បានឱកាសជាតារាសម្ដែងផង អ្នកចម្រៀងផងក្រោយធ្វើជាអ្នករាំចង្វាក់ Hip Hop Breaking Dance ជាច្រើនឆ្នាំ។

សុវណ្ណ ដ្ឋី ប្រាប់ថារូបលោកចាប់ទទួលការគាំទ្រនិងមានឱកាសកាន់តែច្រើនក្នុងវិស័យសិល្បៈថ្ងៃនេះគឺឆ្លងកាត់ភាពបរាជ័យ និងបញ្ហាជីវិតជាច្រើន ពិសេសគឺការបដិសេធមិនទទួលយកស្នាដៃរបស់លោកពីផលិតករ និងមនុស្សជាច្រើនផ្សេងទៀតក្នុងវិស័យសិល្បៈ។

រូបភាព សុវណ្ណ ដ្ឋី សម្ដែងក្នុងរឿង កំណត់ហេតុនាងនាថ

យ៉ាងណាមិញ ការតស៊ូ ភាពអត់ធ្មត់ ជម្នះការរើសអើងការព្យាយាមអភិវឌ្ឍសមត្ថភាពផ្ទាល់ខ្លួន និងសំណាងបានជួយឱ្យឈ្មោះ ដ្ឋីចាប់ផ្ដើមមានការទទួលស្គាល់ ហើយមានការងារសិល្បៈជាបន្តបន្ទាប់៕