ទើបដាក់លក់ iPhone XS ថ្មីៗ ហាង Apple ត្រូវគេប្លន់អស់ ១០ ម៉ឺនដុល្លារ
- 2018-09-27 03:04:47
- ចំនួនមតិ 0 | ចំនួនចែករំលែក 0
ទើបដាក់លក់ iPhone XS ថ្មីៗ ហាង Apple ត្រូវគេប្លន់អស់ ១០ ម៉ឺនដុល្លារ
ចន្លោះមិនឃើញ
សារព័ត៌មាន Palo Alto Online បានចុះផ្សាយថាហាងលក់ Apple នៅទីក្រុង Palo Alto រដ្ឋ California ត្រូវបានចោរប្លន់ពីរដងក្នុងរយៈពេលមិនដល់ ១២ ម៉ោង កាលពីចុងសប្ដាហ៍កន្លងទៅ។
ផ្អែកតាមសមត្ថកិច្ចបានឲ្យដឹងថាហាង Apple នៅទីក្រុងនេះត្រូវបានចោរប្លន់លើកដំបូងនៅវេលាម៉ោង ៧ ល្ងាច ថ្ងៃសៅរ៍ ដោយជនសង្ស័យ ៨ នាក់បានប្រមូលយកផលិតផលដាក់តាំងបង្ហាញដែលមានតម្លៃប្រមាណ ៥៧ ០០០ ដុល្លារ។
រំលងផុតមិនទាន់បាន ១២ ម៉ោងផង ពោលនៅវេលាម៉ោង ៥៖៥០ នាទីព្រឹក ថ្ងៃអាទិត្យ គេប្រទះឃើញថាទ្វារកញ្ចក់នៅហាងដដែលនេះត្រូវគេវាយទម្លុះ។ ម្ដងនេះក្រុមចោរបានលួចយកផលិតផល Apple ដែលមានតម្លៃប្រមាណ ៥០ ០០០ ដុល្លារ។
ការប្លន់ទាំងពីរលើកនេះបានកើតឡើងក្រោយពី iPhone XS/XS Max បានដាក់លក់ជាផ្លូវការកាលពីថ្ងៃសុក្រទី ២១ កញ្ញាកន្លងទៅ។ មកទល់ពេលនេះសមត្ថកិច្ចមិនទាន់ដឹងពីអត្តសញ្ញាណរបស់ចោរប្លន់ទាំងពីរករណីនេះនៅឡើយទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
