ដាក់រូបពីរទន្ទឹមគ្នា ទើបដឹងកាមេរ៉ា iPhone XS ស៊ីដាច់លើ Pixel

2018-10-19 23:29:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយការប្រកាសបញ្ចេញ Pixel 3 របស់ Google ទាក់ទងនឹងសមត្ថភាពកាមេរ៉ា ម្ចាស់គណនីលោក Daniel Bader បានថតរូបដូចគ្នាមួយប្រើ Pixel 3 និងមួយទៀតប្រើ iPhone XS ខណៈទូរសព្ទទាំងពីរពង្រីក 2x។ iPhone XS របស់ Apple មាន Lens ទីពីរ Telephoto ដែលអាចពង្រីក (Optical Zoom) ដល់ទៅ 2x ខណៈ Pixel 3 ប្រើ Digital Zoom។

I've tried to capture just how good the Pixel 3's Super Res Zoom is with this comparison: left is iPhone XS telephoto camera and right is Pixel 3 digital zoom, matched for focal length.

It's not perfect (the iPhone is definitely sharper) but it's pretty damn good. pic.twitter.com/J9JFiegtVf

— Daniel Bader (@journeydan) October 10, 2018

លទ្ធផល មុខងារ Super Res Zoom របស់ Google ធ្វើការបានល្អ ប៉ុន្តែមិនទាន់អាចប្រជែងនឹងរូបភាពថតដោយប្រើ Optical Zoom របស់ iPhone XS នោះទេ។ មួយវិញទៀត ការផលិតពណ៌ និងភាពម៉ត់រលោង (Tone) ក៏នៅចាញ់ iPhone XS ដែរ។

ខាងឆ្វេងថតដោយ iPhone XS និងខាងស្តាំថតដោយ Pixel 3

Google បានបញ្ចេញម៉ូដែល Pixel 3 និង 3 XL ថ្មីៗនេះ ជាមួយនឹងលក្ខណៈសម្បត្តិល្អៗ ជាពិសេសកាមេរ៉ា ប៉ុន្តែកាមេរ៉ាក្រោយមានតែមួយ ខណៈខាងមុខមានពីរគ្រាប់។ ជំនួសការប្រើប្រាស់កាមេរ៉ាពីរបីគ្រាប់នៅផ្នែកខាងក្រោយ Google ប្រើតែមួយ ប៉ុន្តែប្រើ Software ជំនួយអាចធ្វើការងារដូចគេដូចឯងដែរ ដូចជា Portrait mode ដែលលទ្ធផលចេញមកគាប់ប្រសើរ គួបផ្សំការបន្ថែមមុខងារថ្មីមួយទៀតគឺ Super Res Zoom។