ពីក្រោយបញ្ហា និងដំណោះស្រាយ កម្មវិធី-ហ្គេមលើ iPhone គាំងជាប់ត្រឹមពាក្យ Waiting

2018-10-24 12:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាញឹកញយអ្នកប្រើប្រាស់ប្រព័ន្ធប្រតិបត្តិ iOS ទាំងលើ iPhone/iPad រមែងជួបបញ្ហា App គាំងស្ទះត្រឹមពាក្យ Waiting ខណៈអ្នកខ្លះក៏មានដំណោះស្រាយរៀងខ្លួន ប៉ុន្តែជាច្រើនពុំទាន់ទទួលបានជោគជ័យនៅឡើយ។ ខាងក្រោមបង្ហាញពីហេតុផលនិងល្បិចសាមញ្ញ ៦ ចំណុចអ្នកអាចយកទៅអនុវត្តបាន៖

១.កត្តាតូចៗនាំឲ្យ App គាំងជាប់ពាក្យ Waiting:

បញ្ហាអ៊ីនធឺណិត: ពេលខ្លះអ៊ីនធឺណិតខ្សោយ ក៏ជាហេតុផលដ៏សាមញ្ញនៅពីក្រោយបញ្ហានេះដែរ។

បញ្ហា App Store: ជួនកាលទៅក៏ដោយសារ Sever ពីខាងលើរបស់ Apple បែបនេះមានតែការរង់ចាំនិងព្យាយាមម្តងទៀត។

បញ្ហា Software: បើទាក់ទងនឹងប្រព័ន្ធ Software ពិតមែន ដំណោះស្រាយមានតែរង់ចាំនិងធ្វើការដំឡើង Firmware នោះនៅកំណែថ្មី។

២.ដំណោះស្រាយធំ ដើម្បីកែបញ្ហា Appជាប់ពាក្យ Waiting:

ឆែកប្រព័ន្ធអ៊ីនធឺណិត

ទាំងដំណើរការអ៊ីនធឺណិតស៊ីម 3G/4G ឬប្រព័ន្ធ Wi-Fi ត្រូវឲ្យប្រាកដថាមានដំណើរការរលូន ដោយភាគច្រើននៃបញ្ហានេះប្រសិនអ៊ីនធឺណិតយឺត App នោះនឹងជាប់គាំងភ្លាម បែបនេះក៏អាចស្នើទទួលយក Wi-Fi ពីមិត្តភ័ក្ដិឬមនុស្សក្បែរនោះដើម្បីសាកល្បងជាថ្មី។

ឆែកមើលអង្គចងចាំនៅទំនេរ

ត្រូវប្រាកដថាអ្នកមានអង្គចងចាំនៅសល់មុនសម្រេច Install កម្មវិធី-ហ្គេមថ្មីណាមួយ ដោយចូលទៅកាន់ទីតាំង Settings > General > Usage។

បិទ Background Apps

ផ្នែកសំខាន់ដើម្បីដោះទាល់បញ្ហានេះគឺទុកចន្លោះទំហំ RAM លើម៉ាស៊ីន ពោលបើអ្នកកំពុងដំណើរការកម្មវិធី-ហ្គេមច្រើន សូមធ្វើការ Clear ចោល ក្នុងមុខងារ Multitask Switcher ជាមុនសិន។

Reboot iPhone

អាចធ្វើ Reboot ម៉ាស៊ីនដោយចុចប៊ូតុង Power + Home ឬ Power + Volume Down (ផ្អែកតាមម៉ូឌែល) រយៈពេល ១០ វិនាទីដល់ម៉ាស៊ីនរលត់បិទបើកមកវិញ។

Sign Out និង Sign In ជាថ្មីក្នុង App Store

ដូចបញ្ជាក់ពីខាងលើកាលៈទេសៈខ្លះក៏ Sever របស់ Apple ជួបបញ្ហាបច្ចេកទេស បែបនេះសូមសាកល្បង Sign Out និងចាប់ផ្តើមសារជាថ្មី។

ចូលទៅ Settings
ត្រង់ iTunes & App Store
ចុចលើ Apple ID និងយកពាក្យ Sign Out
ត្រលប់ទៅកាន់ App Store វិញ មើលត្រង់ Featured
រើសយក Sign In
វាយបញ្ចូល Apple ID របស់អ្នកជាការស្រេច។

Reset iPhone

មុនអនុវត្តចំណុចនេះ ចាំបាច់ធ្វើការ Backup នូវឯកសារទាំងអស់ទុកជាមុនសិន ព្រោះទាមទារឲ្យម៉ាស៊ីនធ្វើការ Erase សារជាថ្មី ពោលគឺទិន្នន័យនឹងត្រូវបាត់បង់ទាំងស្រុង។

ចូលទៅកាន់ Settings
ចុច General > អូសមកក្រោមរកពាក្យ Reset
រើសយកពាក្យ Erase All Content and Settings > យល់ព្រមជាការស្រេច។

ប្រភព: https://www.tenorshare.com/iphone-fix/fix-iphone-apps-stuck-on-waiting.html?fbclid=IwAR0srpks3xyQCrHubWfrb4-ui-07_0qTOQEYMJZwbGBDkSmM2gne9IyeIJ0