ស៊ីជីងពីងដាក់ចេញយុទ្ធសាស្ត្រមួយ ត្រៀមទប់ទល់ផលប៉ះពាល់ពីសង្គ្រាមអាមេរិក-ចិន
- 2018-11-01 07:34:33
- ចំនួនមតិ 0 | ចំនួនចែករំលែក 0
ស៊ីជីងពីងដាក់ចេញយុទ្ធសាស្ត្រមួយ ត្រៀមទប់ទល់ផលប៉ះពាល់ពីសង្គ្រាមអាមេរិក-ចិន
ចន្លោះមិនឃើញ
មេដឹកនាំកំពូលចិន បានគូសបញ្ជាក់ផែនការប្រកួតប្រជែងថ្មីមួយសម្រាប់សេដ្ឋកិច្ចឯកជន និងទីផ្សារភាគហ៊ុន ខណៈប្រទេសនេះកំពុងត្រៀមខ្លួនសម្រាប់ផលប៉ះពាល់សេដ្ឋកិច្ចពីសង្គ្រាមពាណិជ្ជកម្មជាមួយសហរដ្ឋអាមេរិក។
យោងតាមសម្ដីរបស់លោក ស៊ីជីងពីងដែលដកស្រង់ដោយ Xinhua កាលពីថ្ងៃពុធឲ្យដឹងថា "ប្រទេសចិន ត្រូវអភិវឌ្ឍ, គ្រប់គ្រង និងប្រើប្រាស់បច្ចេកវិទ្យា AI (Artificial Intelligence) ដើម្បីធានាដល់អនាគតរបស់ប្រទេសនៅក្នុងបដិវត្តន៍បច្ចេកវិទ្យា និងឧស្សាហកម្មខាងមុខ។ យុទ្ធសាស្ត្រនេះ នឹងគូសបញ្ជាក់ពីមហិច្ឆតាមិនផ្លាស់ប្តូររបស់ទីក្រុងប៉េកាំងដើម្បីក្ដោបក្ដាប់បច្ចេកវិទ្យា បើទោះបីជារដ្ឋាភិបាលក្រុងវ៉ាស៊ីនតោនចោទប្រកាន់ថាជា "ការលួច" និង "ការអនុវត្តអយុត្តិធម៌” ក៏ដោយ។
ប្រធានាធិបតីរូបនេះបន្ដថា "ប្រទេសចិន ត្រូវតែធានាថាខ្លួន ក្ដោបក្ដាប់បានបច្ចេកវិទ្យាស្នូល AI" ហើយអាចរក្សាបច្ចេកវិទ្យានេះឱ្យបានរឹងមាំនៅក្នុងដៃរបស់ខ្លួន។
គួរឲ្យដឹងថា នេះជាលើកទីមួយហើយដែលថ្នាក់ដឹកនាំកំពូលចិន បង្ហាញការព្រួយបារម្ភជាសាធារណចំពោះកំណើនសេដ្ឋកិច្ចយឺតរបស់ចិន និងបានទទួលស្គាល់ថាពិតជាមានការធ្លាក់ចុះសេដ្ឋកិច្ចជាតិរួមជាមួយការផ្លាស់ប្ដូរគួរឲ្យកត់សម្គាល់នៅក្នុងមជ្ឈដ្ឋានខាងក្រៅ ចាប់តាំងពីសង្គ្រាមពាណិជ្ជកម្មជាមួយអាមេរិកផ្ទុះឡើងកាលពីរដូវក្ដៅ៕
ចុចអាន ៖