មាស ម៉ើ ចេញទៅសិង្ហបុរីមុននេះ ត្រៀមប៉ះជើងខ្លាំងកូនកាត់ពីរសាសន៍

2018-11-05 10:15:46
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ជើងខ្លាំងក្នុងទ្រុងរបស់កម្ពុជា មាស ម៉ើ បានចេញដំណើរទៅសិង្ហបុរីហើយនៅរសៀលថ្ងៃនេះ ដើម្បីត្រៀមខ្លួនបង្ហាញមុខក្នុងកម្មវិធីលំដាប់អាស៊ី One Championships ជាមួយអ្នកលេងគុនចម្រុះកូនតាត់ពីរសាសន៍។

លោកគ្រូ ហ៊ុន ច័ន្ទរាជ្យ និង មាស ម៉ើ

លោក ហ៊ុន ច័ន្ទរាជ្យ អគ្គលេខាធិការសហព័ន្ធ MMA កម្ពុជាបានឲ្យដឹងថា សម្រាប់ការចេញដំណើរទៅប្រកួតលើកនេះមានរូបលោកផ្ទាល់ រិន សារ័ត្ន និងកីឡាករដែលត្រូវប្រកួតនោះ មាស ម៉ើ។ ពួកលោកនឹងទៅដល់ សិង្ហបុរី ម៉ោងប្រហែល៥ល្ងាច។

កីឡាករ មាស ម៉ើ

អ្នកដឹកនាំកីឡាករ និងជាគ្រូបង្វឹករូបនេះបន្ថែមថា និយាយពីសមត្ថភាពកីឡាករ Anthony Engelen គេក៏ជាជើងខ្លាំងមួយរូបដែរ និងធ្លាប់ឆ្លងកាត់កម្មវិធី One Championships កន្លងរួចហើយ។ បើតាមការយល់ឃើញរបស់លោក កីឡាករកូនកាត់ឥណ្ឌូណេស៊ី ហុល្លង់ ម្នាក់នេះ គឺសមត្ថភាពប្រហាក់ប្រហែលគ្នាទៅនិង មាស ម៉ើ។ ប៉ុន្តែអ្វីដែលគ្រូកម្ពុជាខាងលើនេះអារម្មណ៍នោះ គឺសុខភាពរបស់ មាស ម៉ើ តែម្ដង ព្រោះអីពុលអាហារប៉ុន្មានថ្ងៃមុននេះ ដូច្នេះកម្លាំងមិនទាន់ដូចដើមនៅឡើយទេ តែក៏នៅសល់ពេលយូរដែរទម្រាំប្រកួត។

កម្មវិធីប្រកួត

រំលឹកដែរថា កីឡាករគុនចម្រុះរបស់កម្ពុជា មាស ម៉ើ នឹងត្រូវប្រឈមជាមួយអ្នកប្រដាល់ Anthony Engelen ក្នុងកម្មវិធីប្រដាល់លំដាប់អន្តរជាតិ One Championships ថ្ងៃទី៩ ខែវិច្ឆិកា ឆ្នាំ២០១៨ នៅប្រទេសឥណ្ឌូណេស៊ី៕

អត្ថបទ៖ នួន ស៊ីណា