គ្រូមីយ៉ាន់ម៉ា មើលឃើញចំណុចខ្សោយមួយរបស់កូនក្រុម បណ្ដាលឲ្យកម្ពុជានាំមុខមុន
- 2018-11-13 07:18:58
- ចំនួនមតិ 0 | ចំនួនចែករំលែក 0
គ្រូមីយ៉ាន់ម៉ា មើលឃើញចំណុចខ្សោយមួយរបស់កូនក្រុម បណ្ដាលឲ្យកម្ពុជានាំមុខមុន
ចន្លោះមិនឃើញ
លោក Antoine Hey គ្រូជម្រើសជាតិមីយ៉ាន់ម៉ាមើលដឹងថា កូនក្រុមរបស់លោកលេងមានអារម្មណ៍ភ័យៗក្នុងវគ្គទីមួយនៃការប្រកួតបើកឆាក 2018 AFF Suzuki Cup ទល់នឹងកម្ពុជា មុនពេលពួកគេវាយបកយកឈ្នះ៤-១វិញ។
ម្ចាស់ផ្ទះមីយ៉ាន់ម៉ាគឺជាក្រុមលេងប្រកួតទីមួយក្រោយគេបង្អោះក្នុងពូល ខណៈកម្ពុជាប្រកួតដំបូងចាញ់ម៉ាឡេស៊ី ១-០ ក្នុងផ្ទះខ្លួនឯងកាលពីថ្ងៃព្រហស្បតិ៍សប្ដាហ៍មុន។ Antoine បានលើកឡើងថា ក្រុមរបស់ខ្លួនហាក់មានអារម្មណ៍មិនត្រូវល្អក្នុងវគ្គដំបូង ប៉ុន្តែពួកគេបានកែប្រែទម្រង់បានវិញដោយអាចវាយបកបានដល់ទៅ៤គ្រាប់។
“ច្បាស់ណាស់វាមិនមែនជាការប្រកួតល្អសម្រាប់ពួកយើងទេនៅ៤៥នាទីដំបូង។ អ្នកអស់គ្នាអាចឃើញកីឡាករមានលេងរៀងភ័យៗ ពួកគេលេងញ័រៗនិងមានសម្ពាធ។ នៅវគ្គទី១ ខ្ញុំបានលើកទឹកចិត្តពួកគេ។ កីឡាករទាំងអស់ហាក់អស់កម្លាំងនិងមិនធ្លាប់ជួបបរិយាកាសបែបនេះ។ ពួកគេគាំង ដូច្នេះយើងបានលើកទឹកចិត្តពួកគេនិងផ្លាស់ប្ដូរបច្ចេកទេស ដែលពួកយើងបានគិតតាំងពីមុនការប្រកួត"។
ក្នុងពូល A បច្ចុប្បន្នម៉ាឡេស៊ីកំពុងនៅលេខ១ពីរប្រកួតឈ្នះទាំងអស់ មីយ៉ាន់ម៉ានិងវៀតណាមនៅលេខ២មានបីពិន្ទុដូចគ្នា ខណៈកម្ពុជានិងឡាវមិនទាន់មានពិន្ទុរាប់ក្រោយ២ប្រកួតចាញ់ទាំងពីរប្រកួត៕