ម៉ឺន សុភា ប្រាប់ថា វ៉ៃយប់មិញ អត់ចេញបានល្អដូចចិត្តសោះ

2018-11-26 02:57:52
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងកណ្ដាប់ដៃ ម៉ឺន សុភា ចេញអាវុធរបស់ខ្លួនមិនសូវបានល្អដូចបំណងប្រាថ្នាសោះក្នុងការប្រកួតមិត្តភាពអន្តរជាតិលើកទី១កាលពីយប់មិញជាមួយជើងខ្លាំងកម្ពស់ខ្ពស់ថៃ បន្ទាប់ពីសម្រាកព្យាបាលរបួសច្រើនខែ។

ម៉ឺន សុភា(ក្រហម)

ម៉ឺន សុភា បានឲ្យដឹងថា យល់ឃើញថាខ្លួនឯងវ៉ៃបានល្អគួរសម។ មុនការប្រកួតគិតថា ប្រហែលមិនអាចធ្វើបានល្អដល់ថ្នាក់នេះទេ ព្រោះមហាជនដឹងស្រាប់ហើយ ខកខានឡើងសង្វៀនយូរ។ អ្វីដែលខ្លួនថា ល្អនោះ គឺជំហរនៅរឹងអាចទប់ទល់ដៃគូបាន មិនចេះតែកាច់ស្រួលៗនោះឡើយ។

ទោះបីជាយ៉ាងណា អ្វីដែលវ៉ៃមិនបានដូចចិត្តនោះគឺ ពេលឃើញដៃគូត្រូវកណ្ដាប់ដៃរបស់ខ្លួនឡើងទ្រេតហើយ ប៉ុន្តែចូលវ៉ៃថែមទៀតមិនកើត វាដូចជាគាំផង មិនមានជំហរវ៉ៃថែមផង និងមិនរហ័សដូចកាលដែលបានឡើងប្រកួតជាប់ៗគ្នាពីមុនឡើយ។ កូនសិស្សលោកគ្រូ ធន់ សុភា ក៏អរគុណដល់មហាជនដែលតែងតែស្រឡាញ់គាំទ្រ និងលើកទឹកចិត្តនាពេលកន្លងមក។

ម៉ឺន សុភា(ក្រហម)

កីឡាករ ម៉ឺន សុភា ទើបតែឡើងសង្វៀនជាថ្មីកាលពីយប់មិញនេះទេ ដោយស្មើជាមួយកីឡាករថៃ រ៉ារឿង នៅសង្វៀនបាយ័នស្ទឹងមានជ័យ។ អ្នកលេងគុនខ្មែរខរូបនេះខានឡើងសង្វៀនប្រហែលកន្លះឆ្នាំមកហើយដោយសាររបួស៕

វីដេអូប្រកួត៖